政府久病，藥石難療！

大道之行：管治能力弱化

 距離立法會選舉日不足兩個月，立法會內的各個政黨，不論建制還是泛民，心思早已放在落區搞拉票活動(雖然話係接近選舉，但是街上祇見旗幟，不見其人！搵四年錢，真係要選舉果個月先「浦頭」不成？)。無奈本屆會期結束前，拉布習已為常累事，仍要兩頭兼顧，分身乏術，還有多條重要法例或法案需要審議。

今年選舉的大議題不少，政府的管治能力肯定是其中一項(雖然班「議棍成日話政府冇用，但係佢地都樂於見倒一個冇用嘅政府，咁樣同佢地才有得「較量」；有用嘅政府會任得你班嘢亂咁舞咩？)。不論建制、泛民還是本土派，都會口誅筆伐，窮追不捨。管治能力弱化，令政府備受狙擊，執行力、監管力、官員紀律以至法例修訂，全都浮現諸多問題與紕漏。市民固然不滿，議員自然有牌在手可打，而媒體亦有「新聞可造」。

牛頭角迷你倉大火事件剛過去，震驚全社會，不旋踵，長沙灣元州街昌發工廠大廈再有倉庫起火，尚幸撲救及時，未釀成另一宗慘劇。原來全港不少工廈違規改建劏房及迷你倉的情況非常普遍，《建築物條例》的規管似有若無，「城市炸彈」眾多，政府的執法能力備受質疑，公眾隨時「與火同眠」，實在教市民寢食難安(南區咁大型露天嘅僭建政府都見唔倒，「迷你倉」響工廈裡面，班懶人又點會入去巡查吖)。工廈消防安全危機其實非常嚴重，消防處主責的四個部門聯手巡查全港五百個設有迷你倉的工廈，從已檢視的一百三十個中，發現大部分違規，如通道狹窄、逃生路徑過長或不足；據悉不少連灑水系統亦欠奉。(事後孔明總好過唔做)

難道政府後知後覺，死人塌樓後才發現(咁呢樣又係事實喎)？屋宇署表示會發出法定命令，要求業主在限期內糾正，問題是業主如不予理會，即使處以罰款也不怕，政府的後續應變有沒有B計劃？回歸以還，政府的執法能力普遍弱化，城市生活危機處處，難怪公眾有怨氣。(淨係睇吓全港有幾多大型招牌廣告掛響大廈外牆、而又係無人認領嘅你就知啦！遲早會因日久失修塌落街，做成死人塌樓事件囉！)

宋立功