廉政公署晚節不保！

寧靜致遠：廉署公信力不能受損(已經損左好耐啦)

香港廉政公署的廣告宣傳中吸引人的一句是「香港勝在有ICAC」(仲有，舉報打266366啦)。這句話深入人心，亦令香港人引以為傲，因為亞洲不少地區貪污成風，而香港卻可以獨善其身，這很大程度與ICAC肅貪倡廉獲得巨大成效有關。(可惜吖！此情祇待成追憶。)

真的，假若七十年代沒有廉政公署秉公辦理香港的貪污問題，今天的香港只會是個毫不起眼的亞洲小鎮，配不上「東方之珠」這驕傲稱謂。一九九七年之前雖有徐家傑事件，但廉署在港人眼中仍有相當大的公信力。回歸後廉署亦面對不少風雨，卻依然堅挺。然而時至今日，風雨之多似乎前所未見，朋友說是政壇的厄爾尼諾現象──如天氣一樣，十分反常，這是甚麼原因？

先來執行處「一姐」李寶蘭突然被取消署任，繼而辭職，其後再來餘震──首席調查主任高迪龍要求提早解約。這位被譽為廉署「真正明日之星」的求去是否真的和李寶蘭離職有關連，無人可以給予一個滿意答案，但時間上的確巧合。然而，動不動就用陰謀論，卻不一定是事實。人大委員長張德江早前訪問香港時，強調法治精神對香港的重要性，今次事件就引發對法治破壞的憂慮，所以一定要釐清當中的問題，否則就是對東方之珠敲起警號。(此事來龍去脈我唔知，亦唔想作無謂猜測！但廉署總該俾市民大眾一個「似樣」啲嘅解釋吖。)

廉署前執行處首長李銘澤對廉署還可以「捱到幾時」深表憂慮(廉署還有公信力嗎？老本都食晒咯)，這個說法雖然有點誇張，但愛之深責之切可以理解。問責官員應該着緊一點向市民交代。在今天社會要求高透明度的問責下，一般的解釋肯定不能令人收貨。廉署是神話級的香港金牌部門，因此不應讓其公信力有絲毫受損。

狄志遠

-----------------------------------------------------------------

想當年，我份工都好多受賄機會架！不過係我未入職兼未有廉政公署之前啫！我啲前輩經常向我炫耀，佢地以前有幾咁風光----返工打開個柜桶行開，返嚟就多左啲嘢！過年過節收利事收到手軟，一個星期食足七晚。但係人到洛陽花似錦，我到洛陽卻不逢春---因為我入職時廉署經已成立，冇果枝歌仔唱咯！

那時果份工作，經常與廉政公署社區關係的同事有接觸，佢地經常叫我轉職去廉署；我每次都答：要做我寧願做執行署，我唔想攪關係！

又想當年，有病入公立醫院都幾慘架！你冇打賞俾醫院啲阿嬸、真係水都冇一滴你飲！所以，廉署成立後，香港社會真係好好多架！

有番咁上下年紀嘅人，一定記得當年某套電影嘅金句：「有水放水，冇水冇水」！即係消防員救火，都要收左錢至做，冇水(錢)就唔放水救火。

不過，經歷左咁耐風光，可能正如俗語講：富不過三代；依家嘅廉署俾人嘅感覺係冇牙老虎一隻、做事畏頭畏尾、老虎打唔倒，淨係識得打蟑螂！

今次發生嘅事件，讓市民覺得廉署無論對外對內都係一塌糊塗！