crossover樂隊求突破 許志安：我今年代表作！
2016/07/18 14:54:36
網誌分類:
娛樂
| 許志安是我心目中的巨星，在樂壇早有定位的他仍不斷在音樂上尋求突破，繼去年堅持以廣東歌出戰內地歌唱比賽贏盡讚賞後，今年更會跟本地樂隊crossover推出概念唱片，由RubberBand主理的頭炮作《芝士》一出即獲各大電台熱播，許志安笑說：「首歌風格好開心、好熱鬧，想趁機畀多啲正能量香港人，其實這次project我完全放手任他們各自處理，四隊Band各自寫一首歌，只要他們覺得適合和代表到許志安就得，唱片預計年尾推出，相信這是我今年的代表作。」crossover作品將會陸續推出，然而，許志安今年最重要是進軍影壇，電影《兇手還未睡》將於今年上映，同時亦已開始籌備下一部電影作品，我敢保證許志安今年將在電影上重新定位，大家拭目以待。 主持：黃柏高 統籌：林永匡 協力：彭子僖 攝影：謝民光、袁東亮 場地提供：PalcoRistorante（電話：26188383） 許志安的工作態度絕對值得新一代歌手學習，為能在音樂上有新突破，他提出跟樂隊crossover，「這概念叫ABC，意即AndyBandCrossover，係我跟Paco飲酒時亂噏的project，哈哈，因我一直好欣賞香港四隊樂隊，希望能給我帶點衝勁，所以今次找了RubberBand、DearJane、SupperMoment和觸執毛，各自為我寫歌，開會時亦表明要當我係一張白紙，覺得啱我的都可放落去；RB想我帶歡樂畀人，提醒人任何事都可以takeiteasy；SupperMoment就有種怨問感，即如果有一日我死咗會點樣？透過一種好sad嘅感覺去問價值觀；DearJane編曲感覺好玉置浩二，即無論你六十歲定七十歲，心裏都要有團火；觸執毛就係首五拍子嘅歌，對我嚟講好難handle；四首歌各有風格，但共同點係好有火，我相信這將是個突破性創舉。」 雷鬼風格夠創新 四隊樂隊各有風格，今次能把樂隊的音樂元素融入許志安身上，相信一定有震撼性的突破，頭炮是我的親密戰友RubberBand，由RB一手包辦曲詞編監的《芝士》，RB主音6號說：「首歌玩雷鬼風格，Reggae幾啱夏天，因安仔給我很大自由度，在完全沒有限制下，我哋幾個各自交咗好多歌出嚟，過程亦令我哋對安仔認識加深，見他咁願意去嘗試新風格係好值得大家respect，唔知安仔仲記唔記得，首歌一開始個韻律係再開心啲，有點似《雨後陽光》那種，但我哋覺得既然大哥哥都求變，RB亦會盡量去試，而這次算係最貫徹玩雷鬼風格的作品，歌詞都幾難填，面對這旋律真係諗到頭都大，這城巿人人都好大壓力，好似無咩人識笑，於是填『comeon，comeon』好似嗌口號，再由安仔唱出來，叫大家開心啲、笑多啲。」許志安在旁補充說：「係好森巴，好有沙灘上跳舞那種感覺，開心、熱鬧、忘憂，我估係想透過許志安散發一種開心感覺畀人。」 演繹有別從前 話明突破性crossover，許志安更決定連MV也交託給樂隊處理，許志安說：「你可以話我許志安係懶，乜都唔理，但其實我想將自己個mindopen到可以接受任何新事物，聽到6號話想搵黃子華拍MV，我即刻話好兼主動聯絡，所有提議我都好願意接受，比如DearJane主音阿Tim話想我潛水咪潛囉，真係乜都得。」我想說，許志安在歌曲演繹上亦有別從前，令人一新耳目，而最重要的是這首歌充滿正能量，希望借傳媒推動這信息給大家，「錄音時，監製要我咩都唔好諗，要好輕鬆咁唱就得，我覺得這種表達方式係最好嘅。」 子華MV玩爆肚 說到《芝士》MV成功請得男神笑匠黃子華現身演繹，6號笑說：「個idea源自歌詞中提到這城巿好多人唔開心，就連經典笑匠都失蹤，我就問安仔有冇啲好似Mr.Bean咁大家一望就識笑嘅人，後來劇本慢慢將子華神變成唱片舖入面的通宵保安，尾段亦加場戲由佢哋自由發揮，對白都係即場爆肚，衰格啜核好好笑，講真我好大壓力，先有安仔一句『你可能會拍好多MV，但拍黃子華可能得呢次』，加上我一直都有睇子華神嘅棟篤笑，要現場chat爆肚就更驚，佢哋現場爆肚爆到七彩，每次都有啲唔同，真係剪得好辛苦，我作為導演當然要扮鎮定，其實就緊張過考試。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
回應
(0)
我要發表
