一頭車輪湯鮑難求
2016/07/23 08:41:19 網誌分類: 生活
| 掌富嘉閣的李文基，得師傅阿一楊貫一真傳，炮製鮑魚極有心得，對乾鮑和湯鮑的優劣也非常了解。聽他細說鮑魚和烹調秘訣，有如上了一堂速成班。 一介庶民，幾可充闊佬吃到日本吉品或禾麻鮑，網鮑也少之又少。論頭數，講都費事講，事關二、三十頭細鮑仔，講出來笑大人個口！所謂頭數，即是每斤有多少隻鮑魚，一斤有二、三十隻，一口已可吞落肚。 湯鮑呢？有時一年會開一兩罐幾百元的湯鮑送酒慰勞自己，但最負盛名的墨西哥車輪鮑（見圖）從未捨得買過。實不相瞞，自小有吃車輪鮑，因此對車輪鮑的味道有深刻記憶。每年的年夜飯，我家真正的大魚大肉，也是全年唯一一次有鮑魚吃，切片之後鋪在生菜面，將罐頭內的汁水做茨淋上面，我幫手切鮑魚，無功有勞，拿幾塊碎件吃天經地義。 記憶中多是一罐兩隻完整湯鮑，有時是兩隻半，後來聽說海味行內視為兩頭及兩頭半。李文基說，湯鮑以墨西哥的原產車輪鮑品質最好，南非和澳洲都依次排後。他又說，製乾鮑最出名的日本，其實也有罐頭湯鮑，只不過未受到市場重視。 兩頭或兩頭半車輪湯鮑，市場上偶然都要等貨到，問他更大頭數普通人有沒有機會買到，他說：「一頭都有，不過斷晒市啦！即使罕有來貨，一般平民百姓不容易買到。」 不過，曾經聽過做批發代理的說，車輪鮑其實有更大的半頭，反而半頭偶然有貨。半頭這麼大隻，不是更多人搶嗎？「主要問題是墨西哥方面有理冇理打橫切開一半入罐，對用家和食家來說，切開一半唔夠睇頭。」難怪行內人都說，完整的全隻一頭湯鮑受歡迎，多少都有心理因素。 梁家權 |
 | |
回應 (0)
我要發表