環新（0502） 東方日報．周維秉

環 新 （ 0502 ） 至 今 仍 然 停 牌 ， 事 件 發 展 耐 人 尋 味 ， 究 竟 是 甚 麼 一 回 事 ， 仍 無 從 稽 考 ， 只 知 公 司 突 然 話 已 經 有 超 過 一 年 時 間 未 能 聯 絡 上 大 股 東 兼 公 司 前 主 席 ， 而 前 核 數 師 亦 就 公 司 帳 目 遺 留 了 一 大 堆 問 題 。 老 周 只 覺 ， 公 司 小 股 東 的 知 情 權 被 嚴 重 忽 視 ， 究 竟 點 樣 收 科 ， 監 管 當 局 不 應 再 坐 視 不 理 ， 應 促 請 公 司 盡 快 釐 清 問 題 所 在 並 作 出 公 布 ， 以 正 視 聽 。

環 新 主 營 印 尼 可 可 豆 貿 易 業 務 ， 自 今 年 四 月 三 十 日 開 始 停 牌 ， 至 今 復 牌 無 期 。 最 初 公 司 表 示 停 牌 係 因 為 延 發 業 績 。 結 果 公 司 上 月 十 日 宣 布 截 至 ○ 六 年 底 止 年 度 業 績 ， 純 利 增 長 26% 至 1.48 億 元 ； 上 月 二 十 四 日 宣 布 截 至 去 年 六 月 底 止 中 期 業 績 ， 純 利 2,322 萬 元 ， 同 比 大 降 50.87% 。 雖 然 公 司 已 公 布 業 績 ， 但 公 司 仍 然 停 牌 。

令 老 周 感 到 事 態 發 展 不 尋 常 係 ， 環 新 在 上 月 中 旬 主 動 披 露 ， 已 罷 免 大 股 東 Harmiono Judianto 之 執 董 及 主 席 職 務 ， 原 因 係 自 ○ 六 年 開 始 ， 彼 已 並 無 處 理 公 司 事 宜 ， 且 董 事 會 近 期 嘗 試 聯 絡 彼 但 不 果 。

監 管 當 局 勿 視 而 不 見

更 令 人 心 一 寒 係 ， 舊 年 九 月 才 上 任 公 司 核 數 師 李 湯 陳 會 計 師 事 務 所 ， 就 環 新 ○ 六 年 度 業 績 不 表 意 見 ， 並 指 未 能 信 納 年 內 環 新 之 存 貨 變 動 紀 錄 、 銷 售 額 、 應 收 帳 項 結 餘 ， 以 及 環 新 在 新 加 坡 停 建 之 廠 房 共 銀 1.49 億 元 的 可 收 回 性 ， 更 披 露 在 結 算 日 後 環 新 支 付 了 1 億 元 予 其 中 一 主 要 客 戶 作 為 合 營 建 議 ， 而 此 事 公 司 未 有 作 過 披 露 。 上 月 李 湯 陳 會 計 師 又 已 退 任 核 數 師 之 職 。 睇 見 咁 發 展 ， 小 股 東 心 有 數 。

正 所 謂 紙 包 唔 住 火 ， 公 司 未 有 適 時 披 露 公 司 資 金 及 董 事 會 主 要 成 員 去 向 ， 係 咪 有 人 失 責 ， 如 今 公 司 實 際 運 作 如 何 ， 何 時 才 能 復 牌 ， 監 管 當 局 唔 能 夠 再 視 而 不 見 ， 應 積 極 採 取 行 動 還 小 股 東 一 個 公 道 。

若 當 局 只 顧 大 叫 口 號 ， 要 引 來 更 多 從 事 海 外 業 務 公 司 在 港 上 市 ， 卻 未 有 做 好 本 份 ， 與 時 並 進 加 強 對 上 市 公 司 海 外 業 務 的 披 露 監 管 ， 咁 同 搵 投 資 者 笨 ， 有 何 分 別 ！

周 維 秉