替梁天琦、鄭錦滿、陳浩天抱不平!
2016/07/29 10:44:31 網誌分類: 時事
參選立會自決派獲確認
立法會選舉提名期將於今日結束,選舉事務處截至昨日共收獲一百四十六份提名表,已超越上屆選舉收到的一百三十一份,反映選情較上屆更為激烈。提倡透過自決公投決定香港前途,並支持將港獨列為一個選項的香港眾志及青年新政參選人,昨日先後收到選舉主任通知確認其參選資格。其中青政隨即於社交網站表明,會「繼續盡力推動民族自決」,不會因壓力而放棄原則。
至於收到選舉主任來信,查詢是否繼續支持港獨的「獨派」參選人本土民主前線梁天琦、熱血公民鄭錦滿及香港民族黨陳浩天,則至今未獲確認參選資格。
睇到呢度,我真係要為梁天琦、鄭錦滿同陳浩天抱不平呀!我呢份人最鍾意抱不平。選舉事務署既然攪出「確認書」呢樣嘢,就應該一視同仁:所有唔肯簽署嘅候選人都不獲確認。依家淨係針對呢三條「茂里」,咁咪唔啱囉!
有啲內心支持「港獨」而冇宣之於口、或者曾表示支持「港獨」但係為左錢肯簽署嘅候選人、又或者一些冇明確表示支持「港獨」但又唔肯簽署「確認書」嘅候選人,選舉事務署未能一視同仁便認真有問題!
如果果啲候選人明確支持「港獨」又唔簽確認書嘅,當然唔應該俾佢參選啦!法庭最終判「確認書」則無效自當別論。
即使冇明確表示支持「港獨」,但唔肯簽「確認書」嘅,一定唔可以俾佢地參選。人係可以改變架馬:佢昨日唔支持「港獨」,唔代表佢日後唔支持!幾多人「今日的我推翻昨日的我」呀!
但係人可以「知過能改」架馬!如果候選人一向支持「港獨」,但又肯簽「確認書」(無論佢係改邪歸正定係虛與委蛇)咪信住佢地先囉!其後發覺佢地做出違反行為,咪告到佢甩褲;即使咁唔好彩俾佢地選倒入垃圾會,都要「搣柴」,以顯政府威信!
不過,依家呢個政府仲有威信咩?
那就要看,正苦敢唔敢真係去告那些港獨人士啦!
如果告,又告唔告得入呢?
哈…到時,又要睇個官點諗…
好混亂。