年薪四百萬筍工

尋日報導：大專畢業收入衰過20年前。睇落真係有點灰！

但係，薪酬高低係供求問題。如果經濟好，生意唔憂做，商人大展雄圖，自不然會擴張兼增加人手；顧主爭員工，員工咪有條件要求高薪囉！

依家嘅問題係：經濟唔好吖馬！何解唔好？香港製造業早已式微，依家靠金融同服務行業吊住條命。但係部份市民(特別是年輕人)又嫌自遊行阻街，再加上「佔中」、「佔旺」、「鳩嗚」、衝擊、襲擊自由行旅客等種種行為，攪到香港旅遊業都唔掂！經濟仲點會興旺，仲想攞高薪？唔炒魷都偷笑啦！

而且，雖說大專畢業生收入差過廿年前啫，但係佢地嘅學歷水評一樣比唔上廿年前喎！

前日上午上緊課，舊同事whatsapp問我方唔方便通電話，我告知要上課，一時後才可通電；佢因下午有幾個會議，約定四點半後才通電。

之後佢在whatsapp告知，有份工想搵我做，是幫一個非政府機構做總幹事，她亦告知我那個機構的名稱。

其實我認識那個機構的主席，不過我正式退休經已四年，未知有否人事變遷；當時在街外，於是whatsapp問我以前的助手，看看有沒有轉人？助手很快回覆我該團體並無人事變動。

我其實冇打算做果份工，不過要多啲資料才跟舊同事講清楚----人地一番好意，我拒絕都要俾個好啲嘅理由吖。

理由一：雖然我唔知份工嘅薪酬若干，但係以我所認識呢個機構，我唔相信佢出得起我退休前果份工嘅薪酬；人高差，當然唔做啦！

理由二：兩年前都有份工搵我做。我當時向引薦之人講：唔駛預我！此人同我講：你聽埋個酬金先答我啦！聽後真係有點心動架，但係回心一想：我舊老板都唔想我退休架！係我堅持佢無奈放人啫，如果我又全職工作，咁咪好衰女？於是同引薦人講：你問吓可唔可以「半日安」？做半日、半份人工，又唔影響我依家閒雲野鶴嘅生活，加上係有期徒刑，即使舊老板唔高興，我都講得通吖！

不過，其後想想：如果係做兼職，舊老板都可能肯，係我冇提出啫！

幸好最終都係得個講字(果份工半日工作點可能吖！係我俾個難題佢甩身啫)！不過，如果我肯做果份工，今屆「垃圾會」選舉未必會咁亂喎！唓，你係卒仔一隻咋，可以改變大局咩？哈哈，我唔係「卒仔」，我係「螳螂」，熟悉我嘅人都知：我鍾意螳臂擋車架！反正我依家冇咩嘢負擔，又唔駛靠果份工過活，有咩嘢好怕？大不了咪「劈炮」！

人工高過舊時果份都唔做，低過佢又點會做？

理由三：呢個先至係真正理由。雖然我經已全身而退，與舊老板始終係朋友，如果我接一份新工都唔肯回巢，點講都講唔通！如果份新工響屋企附近，又唔係全職，咁都解釋得倒吖！

但係，呢個世界真係有人有錢都唔要？嫌錢腥呀？你好有錢呀？唉！衰在樣樣都唔係：我好鍾意錢架、我又唔係有錢，祇不過平日清茶淡飯，間中約朋友大魚大肉，閒時唱吓歌仔(唱咋、冇養「哥仔」呀！養就貴好多)...咁已經好開心架啦！千金容易得、友情價更高，為左錢傷及友誼呢啲嘢我唔會做、亦不屑做！

但係，依家嘅年輕人、大學生，有書唔好好讀，淨係鍾意玩政治，攪到中又唔得、英又唔得！果隻「痴蜂」文固然唔得、武更加唔得---面無四兩肉！邊有人請，最好嘅出路咪做「走狗」囉！

還有，文又唔得、武又唔得嘅，除左做「走狗」、最好就係選「垃圾會」囉！冇學歷要求，祇要夠秤就得----有人計過，做一屆「垃圾會」議員，穩袋一千六百六十二萬八千蚊落袋(仲唔駛交稅喎)，咁筍嘅工得香港有咋！

書中自有黃金屋？信你至奇！但係：「讀書不成三大害」才真是至理名言。

祇不過，選舉嘅嘢得失難料，輸左要搵工點算？即使贏左，下次輸左又點算？呢個世界，冇料嘅人始終站唔住腳！那時人到中年才「雙失」、「三失」....點算？怎麼辦？

即使做「走狗」都唔一定可以做過世架！你估你主人養你之前有冇「停一停、諗一諗」呢？第日有另一隻更好駛好用嘅「走狗」，你可能變成「過街老狗」，搵人收養都難！

其後跟舊同事通電，我將環境分晰俾佢聽，佢都認同我唔可以、唔應該接呢份工！我同佢講：「雖然我唔接份工，我都好多謝你有好野都諗起我。」

同事：「其實我成日都諗起你架！」