香港自決、前途自決！

請問：以上言論，算否鼓吹「港獨」？

還有兩個星期便是四年一度的「垃圾會」換屆選舉，好多平時唔見人嘅議員，因為提名成為今屆候選人忽然勤力左，各位有咩嘢祈求好趁呢個機會同佢地反影，否則蘇州過後冇艇搭！

依家響街度，見得最多嘅當然係候選人啦，其次咪係直旗、橫額、傳單、廣播車....唔好意思，我份人最唔鍾意接傳單：我唔支持/唔喜歡嘅候選人，自不然唔會接以示我不滿佢地，我屬意嘅候選人我寧願佢將傳單派俾第二個，無謂浪費，反正如果投票，我都會投俾佢！

個人認為「香港自決」、「前途自決」均是鼓吹「港獨」言論。假若屬實，敢問：

一. 那些沒有簽署「確認書」卻獲接納為候選人者是否有責任？理論上就冇囉！人地都冇簽，鬼叫你都肯接納佢地咩？

二. 那些簽了「確認書」卻公然鼓吹「港獨」者，又是否需要承擔責任？如要，「正苦」會否即時跟進拒絕佢地繼續參選？不過，佢地所有宣傳品事先都有俾「選舉主任」睇過才可以公開展示，咁即係選舉事務署都認為冇問題啦；抑或選舉事務署或「正苦」諗住等選舉結果出左：如果佢地勝出就告佢、輸左就唔再打落水狗呢？

三. 假如不論勝負都唔告佢地，咁咪間接承認份「確認書」係冇牙老虎？

四. 如果係咁，果啲被拒參選嘅「港獨」份子如果告「正苦」，政府咪輸硬？

唔好諗住一個半個「港獨」份子入左議會冇所謂呀，歌仔都有得唱啦：小莫小於水滴，匯成大海汪洋；細莫細于沙粒，聚成大地四方...香港前途將不堪設想！香港嘅教育病左咁耐，就係未能淺中醫，依家病到得番半條人命，醫番都嘥藥費！