陸羽仁周記
陸羽仁周記
陸羽仁周記

內房大股東想執平嘢

2016/08/15 08:43:29 網誌分類: 經濟
15 Aug
        經濟數據強勁,推動油價反彈,搞到景氣好似強番好多,港股上周收市前美股三大指數齊破頂,內地股市都飆逾1%,中美股市帶挈下,恒指再創今年高,22800得而復失,單日升186點,國企指數錄得七連升,大市交投活躍,成交增至791億元。以全周計,恒指累升620點或2.8%;國指累積上漲423點或4.63%。呢次反彈市因本地股份帶動,呢次七連升國企股有啲接力味道,後市相信要睇吓中資股份係咪接到力。

        英股回復脫歐前水位

        外圍股市呢排幾惡吓,英國股市上星期都造好,指數已上番脫歐前高位,當然呢個未計鎊匯跌價換算美元對回報嘅影響,但呢個表現已出乎好多專家估計,英股表現勝預期,證明英國佬係玩政治嘅高手,一見勢色唔對,脫歐先來拖字訣,繼而由留歐溫和派嘅文翠姍取代大熱嘅脫歐派約翰遜做首相,減低震盤即時衝擊。由於英國應對得宜,全球金融市場暫時稍鬆一口氣,焦點落番美國數據之上。

        美國最近接連公佈數據反映經濟升溫,美國加息機會回升,美股升溫係典型加息反映。股民睇到景氣帶動工資同物價上升,自我感覺良好,會慢慢克服咗對利率上調嘅恐懼。過去美股都係利率出現上升訊號,股民窒一窒,由於調升利率初期對企業融資成本有限,市場跟住見無乜嘢,跟住就炒過,直至見利率持續上升,有一日突然突醒,咁就係股市泡泡爆破之時。今次聯儲局有序加息,手法偏向平和,增加咗加息初期呢種安全感,呢個亦係主席耶倫追求嘅效果,因為美息而家仍然係超低,若然咁快財富效應消失,咁佢利用上調利率增加日後調控經濟工具嘅構想就會受阻,相反,如果經濟持續擴張,佢可以加多啲息,咁日後就有多啲子彈減息。而家華爾街話年底睇兩萬點,相信耶倫唔會太反感。

        瑞聲預支好消息

        美股破頂沖喜下,港股呢排都幾叻,恒生指一度升至236點,高見22816點,收報22766點,升186點;國企指數收報9554,升131點。恒生指數有限公司公佈截至6月30日恒生指數系列季度檢討結果。納入瑞聲科技(2018),剔出康師傅(322),呢個亦係經濟轉型,毛利高嘅新經濟同舊經濟轉型嘅表現。瑞聲科技代表手機技術,股價係今年遠遠跑離大市,同時升得好多嘅仲有另一隻工業科技股舜宇光學。由於佢升幅咁大,唔排除好消息會有一陣回吐。

        恒盛為私有化提議設時限

        內地城市相繼重推限購令,限制咗龍頭地產股嘅升幅,三四線地產股反而就炒盈利、炒資產,炒得幾高興吓。新一隻爆上嘅股份係恒盛地產(845)就話,大股東曾話想提出私有化,但至今已16個月,都未提出正式建議,證監會對呢個情況表示關注,公司已向證監提出申請,要求設定宣佈確實有意就公司股份提出要約最後期限,即2016年10月31日。證監會目前正在考慮確認。恒盛表明在十月底前會就私有化是否去馬作出決定,市場理解若然佢無興趣私有化,咁公司不如索性放棄建議,佢咁講得即係有意出招啦,所以復牌股價爆升,收市報0.97元。

        恒盛係民企,大股東張志鎔有兩間上市公司,除咗做地產嘅恒盛,仲有做船嘅鎔盛,可惜行業不景,鎔盛陷入泥沼要賣盤。恒盛上市以來一直潛水,但公司名下物業項目主要集中上海,外界估計價值甚高。早前大股東曾提出私有化,並且獲得主要股東之一國壽的支持,但最後無法成功,股價再度插水,以停牌前股價計,差不多等如上市價嘅兩折,而家大股東或再出價私有化,咁就要睇佢出手同埋小股東是否支持。

        恒盛資產優厚,上次私有化失敗同出手太低有關,結果股價長期低迷,大小股東成為雙輸。今次再出手,如果再度失敗,股價有可能再跌之餘,大股東可能就會失去私有化的好機會,所以睇吓佢斟唔斟得掂數嘞。

        恒盛呢個個案多少反映而家三四線內房好多都處於資產大折讓嘅狀況。今年內地樓宇銷售好轉,賣樓改善,尤其三四線城市,內房唔止帳目上抵買,現金狀況都有改善,令大股東心思思執吓平嘢,考慮增持或令股價能夠反映資產狀況。

        搞電台不如買磚頭

        地產股市平貨有人執,其他生意就未必。數碼電台(DBC)決定交還牌照給當局,若然成事,內地富豪黃楚標為首的投資基本上泡湯,有說數碼港近幾年燒錢已有五六億元。該台行政總裁羅燦在解釋決定時,坦言交牌時因為缺乏政策支援,投資者看不到前景,所以就算想找人執平貨都難成事。

        近年廣告市場競爭激烈,新媒體要爭得份額絕不容易。數碼電台在技術上本來有質素上的優勢,奈何缺乏播出的平台,DBC幾乎要靠一己之力去推動整個發展,過去幾年不斷投資為新的士安裝數碼收音機,試圖建立本身的網絡,咁搞法真係印銀紙都唔掂。

        DBC傳燒咗六億元

        隨着網絡興起,媒體選擇眾多,電台作為傳統廣播渠道,仍有一定競爭條件,首先是電台營運成本相對較低,製作不會像電視台般高昂,外國有些地區電台,基本上只是三幾個人已經可以營運。DBC聘用的主持別具一格,不少是退下火線的行尊,成本不高之餘也有特色,咁搞法都話燒成五、六億元,再次證明做傳媒係燒銀紙。去年還減省了節目部人手,希望捱過低潮,可惜最後要交回牌照。今年媒體生意難做,唔使蝕錢已經偷笑,但DBC情況唔同,係除咗收入少,收聽嘅人都唔多,整個媒體無乜迴響,據聞呢個亦係老闆心淡原因之一。

        DBC開台之初,台前幕後都有睇頭,當初牽頭成立嘅「大班」鄭經翰,後來見勢色唔對,將股價全數賣返俾黃楚標全身而退,但佢另起爐灶嘅D100網台,聽聞都唔易做,所以想部署淡出,成個台送咗畀員工。至於佢係山頂嘅大屋,都有放盤傳聞,不過叫價當然就同電台唔同,大班賣咗佢肯定印印腳有排歎,從佢搞咁多生意,到最後都係山頂呢個物業最值租,就明白點解咁多人鍾意買磚頭保值。

        陸羽仁

        
回應 (0)
我要發表
user

網誌分類

最新回應

sunnyyi
sunnyyi 2020/08/09

推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效!

德國黑螞蟻
德國黑螞蟻 2020/08/09

2020網路持久增硬保健銷售榜單推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效! 美國威而鋼viagra德國必邦德國黑螞蟻老中醫補腎丸japan tengsu液態威不讓時間輕易溜走,釋放被禁錮的激情,做一個想硬就硬的男人,做一個收放自如的男人。美國威而鋼viagra 美國maxman增大丸 美國goodman增大丸 加拿大vimax增大丸 vvk增大丸增大丸

點擊:https://www.p-force.com.tw

藍P必利吉
藍P必利吉 2020/08/09

2020網路持久增硬保健銷售榜單推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效! 美國威而鋼viagra德國必邦德國黑螞蟻老中醫補腎丸japan tengsu液態威不讓時間輕易溜走,釋放被禁錮的激情,做一個想硬就硬的男人,做一個收放自如的男人。美國威而鋼viagra 美國maxman增大丸 美國goodman增大丸 加拿大vimax增大丸 vvk增大丸增大丸

點擊:https://www.p-force.com.tw