有雞先？定有蛋先？

毒果報導：

踏入暑假搵工旺季，大批年輕人湧入勞工市場。政府統計處昨公佈，4至6月失業率微升0.1個百分點至3.2%，是失業率經過連續五個月維持不變後，首度回升，其中15至19歲青少年失業率更升至14.7%，較3至5月激增3.8個百分點，升幅創近五年新高。

----------------------------------------------

失業率上升，當然係因為經濟不景啦！年青人失業率上升，又係點樣形成呢？

青少年失業率上升，一來因為暑假大批大專/大學生出來搵工做，勞動人口增加所致；二來係因為經濟不景、職位減少所致；三來係因為即使我係顧主、我要請人，亦唔想請年青人所致！

點解？一來依家十個年青人、九個學識差(我有冇講多左呢)，以學歷揀人、我寧願揀四五十歲嘅僱員；如果份工需要勞動，我更加唔會考慮年青人，貪佢地貪威識食呀？呢啲係怪獸家長做成。

早幾日天文台掛緊一號風球，預告第二天可能改掛三號風球。有第二班同學在whatsapp群組問我(我做左三班嘅班長！連我冇份上課嘅班都做班長。唉！唔好開心，義工嚟咋)：「班長：請問如果明日掛三號風球，駛唔駛返學？」

吓！曾幾何時，香港三號風球唔駛上班/上學架？佢地係幼兒、長者定係傷殘人士？一向以來，祇有八號風球或黑雨才不用上班/上課架！

當年我曾經在人事證記處工作。做咩嘢？主要係坐柜位，幫剛滿十八歲年青人做身份證囉。果陣香港仲係英國殖民地，工作上以英文為主；那時十八歲的年青人頂多是中學畢業生、甚至係小學生(果陣未有九年免費教育。有又點吖！通街都係大學畢業生，但係學歷、人品都差過舊屎)，所以那份申請表基本上係我幫佢地填。

曾經有位申請者為中學畢業生，報稱住響銅鑼灣。我問佢銅鑼灣英文點串？我唔係想考佢，因為即使英文唔太叻，自己嘅住址點寫，以一個中學畢業生來講，應該最清楚。但係，佢答左三次都係錯嘅。連自己住嘅銅鑼灣都唔識點串，唉！但係，依家大學生都唔識寫「筲箕灣」啦！不過，當時嘅年青人較依家果啲好，係因為佢地識得將勤補絀，當年嘅年青人勤力、捱得；依家啲大學生知少少、就學人做代表；腦筍生唔埋，就話要做「垃圾會」喎！你係僱主，你會唔會請佢做嘢吖？

不過，你請佢都唔會做喎！有邊份工好得過做「垃圾會」？薪酬高、福利好(好到可以益埋親朋戚友，養班嘢幫你做牌、做橫額、做道具、做「妹」)、返工放工時間自由、可以隨時鬧僱主、可以扭曲民意、可以.......嘩！總之係無得頂啦。

經濟差？呢兩三年香港經濟差係邊班嘢做成架？唔駛畫出腸啦。