一港兩制！

近排香港天氣陰晴不定，難得昨日陽光普照！雖然我唔會無聊到四圍捉精靈，但係出街行吓，順便晒吓條命---補吓鈣都好吖！

去到The One, 商場今期以「小丸子」為主題：

行至尖沙咀北京道，要穿過行人隧道才可以到達海港城。就在隧道內見有兩位警察怱怱行到一對年青人面前，與他們交涉。該一男一女正拿著結他演唱，那裡還設有音響、咪等等設備，地上還放了不少十圓、廿圓面額鈔票，相信是行人打賞給他們的。我相信兩位警察應該是收到投訴而趕去干涉。

早前我行經深水埗北河街通往鴨寮街的行人隧道：有瓦遮頭，唔駛交管理費，好過住劏房同迷你倉！

個人意見認為，同樣是隧道、同樣是佔用公眾地方，後者較前者(賣藝)問題更嚴重！何故有關部門可以視而不見、又或者見而不理？

每次響尖沙咀候車回家，見倒聯群結隊的白鴿，心裡總覺得唔舒服！除左驚中頭獎外，果度話晒都係市區、更加係遊客區，即使依家冇禽流感，都影響市容吖！