還是覺得「智取」好！

無線近期播的兩套劇，「城寨英雄」收視高企，已播完的「瑯玡榜」卻慘淡收場。

問年輕人，何解不喜「瑯玡榜」？答案是：節奏太慢、好悶！

「城寨英雄」點好？答：節奏快、打鬥場面拳拳到肉！

問四十歲以上嘅朋友，對「瑯玡榜」讚不絕口，很多朋友更為此買埋原著睇。

我梗係四十歲以上啦！不過，我冇買原著睇。其實近呢十年我都好少買書(周刊例外)，十年前買得最多嘅係烹飪書，但係依家屋企嘅空間俾歌書霸佔晒啦！

大家可能認為：「瑯玡榜」節奏慢，你地班(老嘢)先跟得上吖馬；「城寨英雄」？你地睇得明咩？」

唔好意思，我兩部都有睇、亦兩部都睇得明！呢個世界好人、壞人都有，你識佢地唔緊要，最緊要分得出：邊個係好人、邊個係壞人！

「城寨英雄」此劇犯駁的地點頗多！雖說是：睇劇唔好駁劇，但係人地當你係白癡，你都要知至得架：

有一集「牙佬」受傷，成枝角鐵響後腰偏右方插入，即使好彩冇傷及神經線，起馬都要瞓床一頭半個月掛，佢第日立刻完整無缺站起身，仲可以同人對打！

呢套劇一個二個剛吐完血(打到吐得血，起馬都傷及內臟啦)，瞓醒覺又係一條好漢！

「拳佬」成包白粉吞落肚，「刁蘭」用未經消毒嘅「萬字夾」同佢針灸兼放血(天馬行空)，送佢去醫院，第二朝醒來，咩嘢事都冇，繼續可以行走江湖！唔駛戒毒嘅咩？

一個暗殺黨首腦響城寨扮商人，仲要扮好人；去到差不多結局先走出嚟話佢係壞人，有冇必要？佢有N咁多次機會殺左果兩個所謂英雄啦！此首腦明知刁蘭是黨的叛徒，十幾年來卻冇採取行動置之死地！

今個星期是結局編，聞說會極度煽情(啱依家啲年青人囉)：該死嘅固之然會死、連唔該死嘅都要死！教人咩嘢呀？唔好做好人囉！

講番「瑯玡榜」，其實內容都幾深奧架，梗係唔啱依家啲年輕人胃口啦！依家啲人祇睇眼前，目光短淺，有時間都去捉精靈啦，邊似得我地以前嘅人(係前人咋，唔係先人呀)做每一件事之前，都會諗多一兩步：好似捉棋咁啫！當你行一步之前，就要諗埋對方跟住有可能行嘅棋著；人地唔一定會跟足你嘅諗法架馬：佢可能咁行、又可能會咁行！你一早諗定晒人地會點行，咁先至有先機，有羸面架馬！所以做軍師，有陣時緊要過做主帥！咁做軍師嘅條件，咪係知己知彼囉！知埋對方嘅性格，預測對方下一步棋就更容易。

但係，要認識對手需時，依家啲人冇的是耐性，但求一步可登天！唔喜歡嘅就武力解決，冇諗過好多嘢，唔動干戈一樣可以解決！

話口未完，今日報導：「西九」(我個選區)經已有人動武啦：

網上表示，稱有黃毓民支持者在社交網站上出言恐嚇他及任亮憲，已經報案求助。

何志光表示，今早已「香港本土力量」九龍西候選人何志光昨晚出席立法會九龍西選舉論壇後，與「普羅政治學苑」現任立法會議員、競逐連任黃毓民的支持者發生口角(狗咬狗骨)。何志光今日在社交網站經到旺角警署報案，警方已正式落口供並調查案件。他又譴責言語及行為上的暴力，破壞社會安寧。何志光相隔數小時後再次發貼，指黄毓民著名支持者在facebook上留言恐嚇他，聲稱要「殺死我，將我的屍體燒成灰，做邪門嘅佛版」，更直指要對方為自己的言論負責。

立法會九龍西參選名單包括譚國僑、梁美芬、狄志遠、游蕙禎、黃碧雲、劉小麗、蔣麗芸、李泳漢、朱韶洪、毛孟靜、關新偉、林依麗及吳文遠。

--------------------------------

咁即係同我做投票決定啫！

一於堅拒：暴力政治，堅拒暴徒入「垃圾會」！

用篩選法：將有理由唔選果啲續個抽出，以兩害取其輕方法投票：「港毒」份子、黑社會、收黑金.、釣結外國勢力、反中亂港....