2016立法會選舉~打電話俾老爸老媽
掛了電話給老爸老媽,離9月4日還有3天的時候。
我:星期日你們有決定投票給誰了沒有?
爸:唔投呀!唔投呀!(把電話傳了給媽)
我:媽,星期日你有決定投票給誰了沒有?
媽:哎呀!唔投啦!好煩呀!好亂呀!啲人都唔知做咩嘅,淨係度
擲嘢拉數(布)點人名,我成斑朋友都話唔投喇!
我:媽,你有聽過ICAC 的一姐和幾個高層都辭職了嗎?因他們在
查梁振英,還有。。。
媽:係囉,點解香港E 家變成咁,所以我地唔投喇
我:就是香港變成咁,你地一定要出黎投呀!班保皇黨講明唔會用
特權法查ICAC 高層變動架,你想唔想我地冇咗ICAC,唔想就要唔
好俾立法會任得保皇黨話事。你地唔投票,保皇黨就贏架喇!
媽:咁又係,但我唔識投邊個,幾廿個人。
我:拿,只要你想投,咁就唔係想像咁難,你地首先X 晒保皇黨,嗰 啲成日擲嘢嘈到拆天嘅,X 埋佢,咁再睇下你想支持舊人定想投 個新嘅。。。
媽:咁我投呢個啦!街工我識,佢又真係做咗好多嘢嘅。嗯!我都想 支持佢!
我:係囉,啱嘞,其實你揀到嘅!
阿媽,你仲有一票喎!
媽:吓,係咩?
我:係呀!你有一票叫超級區議會
媽:咁呢票我想投個後生嘅
我:咁我介紹呢個俾你,佢在民調中同個保皇叮噹馬頭,你可以
考慮下佢,如果仲有論壇嘅話,呢幾日留意下佢嘅說話,否則,
你可以考慮這些舊人,你知佢地這些年都做過好多幫香港人的事
媽:好喇!就選呢個舊嘅,同呢個新架喇!
我:阿媽,唔好唔投票,幫下啲孫,我地唔想返番去當年冇ICAC 年代,仲有標準工時,你都想啲孫有放工時間。
媽:好喇,明喇!
我:叫埋老豆去投喇,可以的,叫埋啲朋友去投,唔好俾保皇黨 話晒事,香港短短幾年好多嘢冧晒喇!
媽:唉!我都睇到!知道了!
今晚掛了電話給老爸老媽,你打咗未?