前晚癲左
2008/01/14 00:43:08 網誌分類: 生活
前晚癲左,一口氣看了三套戲,第一套係 [ 寶貝智多星3 ] ,本來諗住自己一個人睇,但囡囡苦苦哀求我准許她夜訓一晚,最後,我屈服了!這套戲比 [ 寶貝智多星2 ] 更好笑, 搞到囡囡笑翻了肚皮呢!套戲一播完,我便立即推囡囡去訓覺,自己則繼續玩七巧板,玩玩下,發現有套鬼片[ 鬼王再生(Freddy VS Jason) ] ,又追著來看,原來是Freddy呀!記得第一次睇完猛鬼街後,那晚便發了一個惡夢,當時我十多歲,睇完當然好驚啦!不知是否現在年紀大了,已不再害怕睇鬼片啦!接著又來一套 [ 娃鬼怪嬰(Seed of Chucky) ] ,這套已經出過很多集,最初那幾集真是很恐怖的,但我以前竟可以一人留在家裡,半點燈也不開,一個人靜靜的坐在沙發上,等待那些娃鬼的恐怖演出,回想起來,我也可算是非常大膽,現在未必有這個膽量了!睇完已經差不多七時,趁天未亮,我得快些爬上床睡覺去~
誰知十時半,我老公把我弄醒,說十一時半要去飲茶,我仲未訓夠喎!唯有帶著兩眼惺忪,邊打瞌睡,邊吃點心,吃飽了,囡囡又夠鐘學琴,匆匆帶她趕回家,幸好比老師早一點抵達呢!下午,我受不住睡魔的急召,匆匆跳上床,倒頭大睡,留下囡囡在廳做英文練習,希望明天佢會掂啦!其實以佢的大頭蝦性格,我都不敢奢望她會拿取高分,只求合格而如願足矣~
看來,Candy姐乜鬼都啱。
我也試過一天三套戲,係去戲院睇。
我早幾日都有睇娃鬼怪嬰呀,仲同埋大仔一齊睇tim
而家真係想買番第一、二集呀,雖然全部睇過,但係屋企始終都係要有一套
有情有義
http://www.hkheadline.com/blog/reply_blog_express.asp?f=B7Y317UVCC62227&id=83618
最恐怖就是看通宵後再看鏡 , 因為自己的熊貓樣比妖魔鬼怪更恐怖 ......
妳頗夠膽量啊 ! 不知道有否看過黎明上年的作品『心中有鬼』呢 ? 如果喜歡恐怖片的話 , 這是個不錯的選擇啊 ! 我是放假時看早場的 , 戲院只得十多人 , 關燈後看過第一幕 , 我便直到完場時才敢上洗手間哩 ......
Candy,
捱通宵是非常傷身體;最好少些為要呀!
偶一為之.都唔緊要.
他肯自己做練習已不錯了。
小心身體呀! 咪掛著看戲,捱通宵先得ga...