拒絕接受票站外調查

每次選舉(包括各級議會)，選舉事務處均接受團體申請在票站外進行民意調查，主要係響選民投完票、離開票站時，問吓佢地投左那個候選人及其他個人資料。

今期我決定唔會接受任何呢類調查---特別係「講大」果個(雖然佢講左唔會派人做此調查，但係你點知佢會唔會用另一個團體名稱進行架)，打死都唔講！無謂俾呢啲禍港嘅機構一路知道選情，供「飯民」作策略性準備！即使其他機構調查，我都唔會答：因為無法得知是敵是友！當然，你亦可以接受調查，但係講相反答案，擾亂佢！但係個人唔喜歡講大話，我寧願唔答。

正常嘅調查機構：你地要多謝「講大」姓鍾果個啦！係佢累街坊呀。

我今早九時多投票，之前在票站對面吃早餐，一直望住票站門口，似乎投票的人不多！真的是投唔落手，拒投；抑或是改變左慣性投票時間？

支持穩定香港的選民，希望你們盡早投票(有街去都投左票先)，無謂去完街開心過頭唔記得投票、又或者趕唔切響今晚十點半，票站結束前投票。

香港前途靠晒你，今次真係一票也不能少：結束亂象靠你手中的一票！