我嘅心又喜、心又慌!

2016/09/06 07:59:15 網誌分類: 政治
06 Sep

「垃圾會」選舉塵埃落定,結果如何?又喜又慌囉!喜從何來?喜者咪以下啲政棍落敗囉:

黄毓民(佢「巴打」老黃同一命運,政團面臨瓦解)

李卓人

何秀蘭

馮檢基

范國威

結束老餅專政!仲有,姓曾果個社工敗類輸左呀!

慌又從何來?

嘩!果啲「?土」四區攞六席!果班「老餅」雖然乞人憎,但某程度上可以協調;但係呢班新人,有些仲係高票當選(因為「死肥佬」決定一代「老餅」換「嫩肉」囉!有份助紂為虐嘅包括兩個姓戴、兩名漢奸)。結果:一將功成萬骨枯!有人配多左票,攪到幾個「老餅」死左都唔知點解?做「寵物」係咁架啦!主人唔鍾意就掟你出街,由得你自生自滅---冇仇報!再者,無良僱主最鍾意炒左D舊人,請過D新人,貪佢地夠cheap吖馬。

今屆選舉,有以下現象:

一. 九龍西旺女人,六個勝出嘅都係女性!連果個識係人都話佢唔掂嘅都靠車邊上左位,犧牲左隻「狗」!早知我都參選啦(你又唔著熱褲!著晒熱褲都係剛剛入倒圍咋,果區今年仲新增左個議席);「癲狗」以四百幾票輸俾個妹妹仔。唔駛難過:你輸在年紀大(選民年齡岐視)、輸在同你班助選冇著熱褲(人地成班青春無敵!油麻地、廟街都屬果區,咁你死得明白啦),仲有,九西旺女人,你吾係。賽前兩日,我見「癲狗」嘅海報貼上「棄黃保游」的貼紙---打死我都唔信係隻「癲狗」貼嘅,佢會成仁咩?依家佢嘅麵店都執得八八九九(可能經已全線結業),正是求財若渴。咁究竟邊個貼上去?廉署係咪要徹查?不過,人地依家當選喎!廉署淨係夠膽打「落水狗」至喎!咁佢公開支持「自決」(白紙黑字架),我嘅理解等同支持「港毒」,咁「正苦」會唔會有行動搣佢柴?唉!呢個冇用嘅「正苦」會咩?

「哎呀大仔」見倒個結果表示好唔開心。我安慰佢:「佢贏左都好吖!勝在冇料到。」

二. 「豉油黨」好事多為,今次地區直選抬蛋;好彩仲保得住功能組別四個議席;

三. 「公黨」三席變一席!「雞仔」上屆都係危危乎,今次終於行人止步;「灼人」份筍工玩左廿年,相信今後佢響政治舞台要劃上句號囉!

四. 「本土」地區直選四區攞六席!都咪話唔驚。呢班係不受控制(可能祇受制於「金主」,甚至唔排除會過橋抽板,「金主」都冇面俾果種;鬼叫人地高票當選咩?自不然飄飄然);屆時「死肥佬」自作孽咯!

五. 「新民黨」兩席變三席,容海恩以新人參選,一擊即中,可喜可賀!

六.  「新東」果位侯生,我一早響網誌度批佢冇勝算,祇會添亂架啦投(吾係佢,條毛可能輸埋)!上星期同班教育界茶聚,阿L總監(佢住上水,屬新界東)仲堅持話佢有機會喎!遺憾係果隻「小丑」同「條毛」仲留响新東苟延殘喘;

七. 「民協」全軍覆沒。「基哥」空降「新西」,我一早批佢落選啦!咁咪好囉,「區選」、「垃選」都輸埋:四失咯,可以叠埋心水,全心全意鞏固地區服務!

八. 「新民主同人」果位、另外響「新東」,同佢—様癲癲地嘅哎吔師父雙雙墮馬!

九. 姓葉果位教棍連任!冇法子啦:教聯同教協,會員人數相差太遠啦,根本冇得揮!聽講今年佢地嘅選民人數大幅減少;據知有不少人轉左飯鑊去資訊科技界,可能因此姓莫嘅可以連任掛!

十.今屆投票率高,應該多謝「首投族」。「首投族」泛指那些剛夠年齡登記成選民,第一次可以投票嘅選民;佢地係九十後,咩嘢料?大家諗吓啦!個人認為今屆有另一批「首投族」:一早登記左做選民,但從來唔投票。何解?可能當年係被動式登記成選民、亦可能政治冷感。但今屆因為政府施政失民心、議棍又攪攪震,所以呢班人都迫著要站出來---投下保貴一票,希望為穩定香港盡點綿力!呢兩批「首投族」此消彼長,結果「建制」與「非建制」的黃金比例維持不變!

借用網友383383作的佳句:

老餅換嫩肉,

犯民換港獨,

齊齊哈佬威,

會否養唔熟?

講到呢度,又要彈吓選舉事務處。往年「垃圾會」選舉都攪到第二朝八九點先點完票,今年各區多左咁多參選名單,可以預見點票時間更長,竟然咁後知後覺(交唔番個場俾學校上課),犯啲咁低級嘅錯誤,真係一蟹不如一蟹?

 

至於「太古城」選區,選民投訴票站太細!咁佢地應該去抗議果區惟一一間中學唔肯借出場地,唔關選舉事務處事。因為呢個係錢都解決唔倒嘅問題!如果將個投票站設在區外(從未試過),佢地咪一樣會投訴!再者,果區嘅選民何解一定要等到夜晚才投票?莫非佢地都要等「死肥佬」吹雞?

 

 

 

 

回應 (0)
我要發表
user

最新回應

鐘可馨賴:zkx9
鐘可馨賴:zkx9 2019/10/20

台灣高檔正妹兼職
line:zkx9 WeChat:yx107619
盡在鐘可馨茶坊
類型繁多 價格合理 現金交易

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.