投票

2016/09/07 23:14:47 網誌分類: 未分類
07 Sep

 

星期日食完午飯去投票,發現人山人海,決定晚上再去。

晚上八時半再去,都係打蛇餅,天氣濕熱黐立立,但都要繼續排。快入到票站,工作人員出來問「有冇身分證Z字頭?P字頭?」入到去,發現ABCD係一條隊。我個區多數係老餅,CD字頭,但得一行;P又一行,Z又一行,根本冇人排。這些「聰明」的安排,也不知是誰的意思。

到前面的一位兄台,原來他是功能組別人士,有3票。票站職員對完身分證才去取他的票,檯面係冇預備功能組別的選票。後面大叔不耐煩,問,咩事停晒?位大叔排隊時已經不停complain,咁多抱怨,不如唔好投。票站冇人答他,他又大聲問一次。我轉身答他,話職員要去取功能組別的票,因為檯面冇預備。大叔好似唔明,說「咁我地個個都係黎投票架啦」。咁大叔,我地投超2,兄台投功能組別吖嘛。這時,前面兄台回應一句,你講佢都唔明啦,不用解釋。我見到兄台係會計和IT界,兄台相貌堂堂應該是位專業才俊,不知何故「淪落」此選區。每人身後都有一個故事。

跟住到我,蓋印章時發現個印章有問題,明明我對正來蓋印,出來個剔卻歪左,應該是V型卻變成 < 型。我心想,難道個印章用了一天都冇人發現?是否每個票站要故意void一部份選票?到蓋第二張票時我學了乖,較正角度才蓋。唔知我張票會唔會「被失效」?不過我當時選擇保持緘默,我費事有人會拍低情況,事後標籤我為滋事份子。反正我知道了,以後投票會先試下個印章。

諷刺的係,蓋歪了的一位勝出左,但蓋正的一位以一萬票飲恨。

由排隊到投完票,共55分鐘。

回應 (116)
我要發表
浪子152
浪子152 2017/02/21 00:06:56 回覆

笑多D好丫~~~

忘記人名, 我來唔來就會發生~~~

Persie
Persie 2017/02/20 02:11:44 回覆

聯廣,份form冇鑊,但如果人地知道係我做就會極之奇怪,亦都會以為我係個白痴。根本上我現在感覺自己像個白痴。上幾個月有個最佳球員頒獎禮,我在電視見到前巴塞右閘得獎。我睇他打波10年,但我當時講唔出佢個名。我好震驚,因為我想起他一切事情,包括offer捐肝俾艾比度,但我個心響起一個六個字的音調,我知他的譯名係6個字。想了良久,我說出「捷西斯拿華斯」的名字,但馬上知道自己錯。終於我要Google 「Barca right back」才知道他叫丹尼爾艾維斯。我無法理解自己竟然可以忘掉他的名字。其實近來我係忘記了很多人的名字,可能要一兩天個名字才浮現腦袋。我想去訓練自己的大腦,但不知可以點練。

李聯廣
李聯廣 2017/02/19 16:03:55 回覆

Persie, 你公司有冇權力或派系鬥爭,不會好像電影情節一樣,有人偷用你的電腦,扮你sent了份form吧!份form有冇鑊先?

或者你問下大眼姐姐要不要consult心理醫生,不過應該會幾「乸脷」。而家要mon6個月,咁起碼而家冇問題都算係好消息。其實人生有時真係幾乏味!汝道不孤!

至於要不要辭工去浪跡天涯就真係非常個人的諗法,afford得起又夠灑脫的話,當然可以。不過今時今日,大部分人(包括我在內)咪一樣把時間浪費在非常無聊又完全唔rewarding的公事上!SIGH !

Persie
Persie 2017/02/18 16:08:32 回覆

浪子你最近幾個留言好搞笑,4-1 放棄態度;到時乜都唔知一定好快樂;笑到我好開心。多謝你。

Persie
Persie 2017/02/18 15:47:25 回覆

聯廣,明白的,只係覺得新不如舊,現在的比賽好似冇咁好睇,較懷念以前的球星。

我忘記了一件去年11月的事,係我守尾門submit的一份form;而我竟然全然忘記,仲要係對方部門拿份form出來(但他們都不知係誰sent的,這份form較特別要用paper copy。我當時在場,置身事外,但當晚放工我自己好疑惑,知道以流程來說應該係我做;件事係個別,不是repetitive job,我當時想不如試下找自己電腦有冇留底,因為我所有公文都會流底 ... 好似看恐怖電影一樣,我找到份文件,無可懷疑係我做的,套用金庸武俠小說話齋,我當時「如墮冰窟」,個心好驚。

我知道去看大眼姐姐醫生冇用,因為panel doctor GP多數不會求證,覺得好少事。而我自己亦好怕面對這個事實。我可以告訴你們有些病況係冇得解,正如另一件事情醫生叫我monitor住,先係3個月,現在係6個月,係咪一生以後每6個月都mon住,都可能有事?咁人生咪好乏味?

或者我應該馬上辭工,浪跡天涯,不要把時間浪費在現在非常無聊完全唔rewarding 的公事上。如果我的人生只剩10年,我一定夠錢使。

李聯廣
李聯廣 2017/02/18 13:22:08 回覆

Persie, 潮起潮落,盛極自會轉衰,否極自會泰來,這都是不可改變的現實,何必掛靴!

腦退化應該是會忘記剛發生的近事,早一點尤其是遠年舊事反而不會忘記。你忘記做過的事會不會是因為對工作的抗拒而潛意識作祟?

浪子152
浪子152 2017/02/17 06:43:04 回覆

馬仔, 我唔驚呀, 肥左變左咁多, 應該認我唔到. 邊個sent我唔記得, 只記得內容, 因為認同. {#icons_cat2}

如果腦退化, 邊個都只可儘量安排, 執行既人跟唔跟, 你都唔知同保證唔到. 不過到時你咩都唔知, 應該一定快樂~~~

Persie
Persie 2017/02/16 22:34:05 回覆

馬仔,希望D老闆身體健康,生生性性啦。

Persie
Persie 2017/02/16 22:25:23 回覆

多謝你浪子,我明架;但總係覺得灰爆。

如果腦退化,我都唔知可如何照顧自己,如何調動金錢?我唔敢勞煩阿妹,她都有她的煩惱。

幪面馬仔
幪面馬仔 2017/02/16 22:09:52 回覆

浪子

小心 {#iconb_317}

我見過你架 {#iconb_272}

浪子152
浪子152 2017/02/16 21:14:22 回覆

係睇到私人回應, 內容唔應該open to public. 頭條IT算把啦, 應該一早已被炒晒, 所以成日出錯.....

想買收息股, 加息週期時買無大着數, 分分鍾賺息輸價. 似乎都係405, 1038, 8008較好啦.

人生有冇希望, 在乎心態啦, 你慳慳地應該夠過世啦. 唔好太執着, 看開一點, 得閒做多點運動, 出去外面行行走走啦. 工作做得幾耐就幾耐....

要做身體檢查, 如真有事, 早D知先懂得面對同安排.

 

幪面馬仔
幪面馬仔 2017/02/16 14:19:00 回覆

舅父仔

工作上,我們情況一樣……

Persie
Persie 2017/02/16 12:55:38 回覆

浪子,我想買收息股,但又買唔到。

我老闆健康有D問題,直接影響我地部門的前途。我今年夏天55歲了,好聽係可以「提早退休」;唔好聽講句可以係「就黎冇嘢撈」。日日看報紙咁多人跳樓,不無原因,就係對人生冇晒希望。

最近有件事非常困擾我,就係我完全忘記了一件我自己做過工作上的事,亦不是因為飲醉酒,總之就徹底忘了。平日係所有人都忘掉的事我都會記得。不知是否腦退化症先兆。

Persie
Persie 2017/02/16 12:54:15 回覆

聯廣,我掛靴了。

Persie
Persie 2017/02/16 12:53:46 回覆

大家,以後不要用私人回應了。一係講,一係唔講!

Persie
Persie 2017/02/16 12:49:18 回覆

浪子,你睇到私人回應,咁恐怖!頭條IT,推出去斬!

最大關鍵係高斯尼受傷,後防馬上遭瓦解,中門大開。同利雲鬥,唔係鬥高,都要鬥智,條友唔係太聰明。張伯倫臨尾重要玩失波,好難睇。 我總唔明點解Gibbs可以做(代)隊長,經常後備,聲都唔聲下,點領軍。

李聯廣
李聯廣 2017/02/16 08:34:16 回覆

PSG 4 : 0 Barcelona

Bayern 5 : 1 Arsenal

 

What a pity!

浪子152
浪子152 2017/02/16 05:29:50 回覆

短時間內1:1去4:1又真係要放棄態度

點解D私人回應睇到.....

長線1038, 405現在還是較抵買. 我剛買了6823, miss左8008.

 

Persie
Persie 2017/02/12 12:31:20 回覆

我採取放棄態度,剩下$1M股票,都係煤氣,中電,匯豐和小小ETF。#405清晒,$4.05只買入1注,又升左。上星期五見陸sir篇文,覺得唔難,如果再投放$1M操作得好一年可以有$200K賺喎,但自己總係做唔到。永遠 Easier said than done.

上年12月買左份5年儲蓄保險,有3.85%保證年回報。個位理財顧問鍥而不捨的推介另一份富邦,擺$1M每年有$29K,本金keep住,等同一份2.945%定期,但資金鎖住6年才可全數取回。我橫睇掂睇都唔吸引,唔會買。

報紙話:

「中銀1厘息吸港元定存

港銀「鬧錢荒」,發鈔行中國銀行(香港)(02388)加入吸存港元的行列,1年期港元定存年息加至1厘水平,入場門檻更低至5萬元。銀行家認為,農曆新年假後銀行需「補存」港元,而美息趨升及美元持續強勢亦推動港元存息抽升,料港元年息短期可望突破2厘水平。」

 我比較過,近期永隆港元定期息率最好,已經D/L定永隆App,等港元利息突破兩厘😝😝永隆好得意,一定要用App才有最高利息。

Persie
Persie 2017/02/12 12:17:27 回覆

浪子,冇乜說服力呢,山齊士明顯手球。我都冇乜說話好講。

利記對你地格食格喎。沙迪奧文尼上晒身,上半場有權入4球!呢場就醒神啦。遺憾地跟住場奧沙辛拿對皇馬,26歲奧沙辛拿球員和Isco碰撞,本來唔似大件事但佢隻死腳種死在地所以脛骨斷晒,又變L型,場面恐怖。最後當然係皇馬取勝。

浪子152
浪子152 2017/02/11 22:25:35 回覆

U 2:0 la~~~

少左買賣, 一早滿倉, 蟹晒, 近排可沽些鬆綁~~~ {#icons_cat3}

幪面馬仔
幪面馬仔 2017/02/10 23:05:02 回覆

我都冇買好耐,越來越冇膽買。

Persie
Persie 2017/02/10 14:24:18 回覆

我冇買股票好耐,除了繼續持有一堆悶股,把刀生晒銹,哈哈。

Persie
Persie 2017/02/10 13:51:55 回覆

浪子 long time no see,你好你好!

竟然在我之上,嘿嘿嘿!

浪子152
浪子152 2017/02/10 08:40:46 回覆

大家好, 之前常login唔到. {#icons_cat3}

別來無恙, 終於等到股票升, 熱刺前四 {#icons_cat2}

Persie
Persie 2017/02/05 22:41:23 回覆

今天見了患腦瘤的朋友,他剃光頭髮,但精神超好,早已上班,一邊電療一邊工作,厲害。手術後復原期間他幾次是去知覺,有次還在街上跌倒,但他上了白車恢復神智竟馬上要求落車。我不懂他的病情,只能說他好勇。

遺憾地要通知他一個壞消息。一位舊友在數天之內去世。某個星期五還在上班,下個星期就辭世,過唔到猴年。他父母去年相繼逝世,遺下妻子,沒子女。我跟患腦瘤的朋友說,如果在多年後看此事,會覺得他不用受苦,撇撇脫脫走左不是壞事。他的妻子會好悲傷,但我看過很多「久病床前無愛妻」的case。可能曾經深愛過,但要照顧一個長期患病的人並不容易,亦不知可以捱多久。當然這些言論不能跟很多人說,說了也不明,只會令人覺得無情無義。

這位朋友死過翻生,非常豁達,笑看人生,又繼續努力工作,說要省靚張CV,永不放棄,可喜可賀。

Persie
Persie 2017/02/05 22:29:38 回覆

聯廣,同意領隊係要換的,但就會好似曼聯般,要經歷幾年的痛苦才可重新出發。

看Hazard的solo表演,真係覺得有冇搞錯。奧燒打唔到逆境波,成頭亂髮好似生意失敗咁樣。我氣悶到看巴塞都冇心機,冇喜悅。今天找了些少年美斯加朗拿甸奴的片看,係我最懷念的快樂足球年代。

李聯廣
李聯廣 2017/02/05 15:24:28 回覆

車仔31拆廠。球場有球迷舉 “ENOUGH IS ENOUGH, TIME TO GO” 紙牌。

槍手多年由雲加執教係「有辣有唔辣」,相對於干地,便顯得非常保守。干地初到英超便勇於求變,由初時試驗的幾套4人防線,到被槍手打爆後,改變成現時常用的3後衛3-4-3陣式,但上仗對紅軍可能有點保守又變成5-3-2陣式。分別就係干地能夠變出個未來,而雲加就一招走天涯,以不變應萬變。所以槍手若想再奪標就真係要換領隊了!

Persie
Persie 2017/02/01 10:41:58 回覆

番茄,chanreborn:愛隊竟然咁樣同我地開年。一開波行行企企,到屈福特入左兩球先醒,唔係次次可以反敗為勝架。上次演出優秀的Oxlade同禾仔唔出,藍斯魂遊20分鐘,導致失球,然後傷出,我睇到眼火爆。

蕃茄
蕃茄 2017/01/28 22:21:58 回覆

Persie, 馬仔,主席, 聯廣,chanrebone ,

祝願大家 在新的一年 都身體健康, 精精神神.

去到我呢d年紀 (好快轉字頭了), 便會開始發覺 "健康" 應排在人生重要性的頭一,二位,  而金錢, 物質在心目中的排位開始不斷退後.

主席, 科學園周遭的風景/環境幾好呀, 我一年中, 在假日時都會去三幾次hea吓.其實在繁忙緊張的工作中,可以抽空到海傍散散步都不錯.  當然如論 購物方便則尖咀優勝100倍了.

 

幪面馬仔
幪面馬仔 2017/01/28 00:03:18 回覆

舅父仔,主席,聯廣,番茄,浪子,chanrebone

身體健康,心想事成,萬事勝意

Persie
Persie 2017/01/27 12:35:44 回覆

聯廣你好!大家咁話!恭喜恭喜!

Persie
Persie 2017/01/27 12:34:21 回覆

好朋友做完手術,化驗結果係良性。醫生說已經算係最輕微事故,六個月後覆診。祝福他平安過渡!

李聯廣
李聯廣 2017/01/27 12:32:58 回覆

Persie, 雞年新年財:電能實業(00006.HK)宣派特別中期息每股5


今日公司放早,在此先祝各位網友雞年心想事成,投資順利,闔家安康

Persie
Persie 2017/01/27 12:29:55 回覆

在此祝願各位網友雞年身體健康,心想事成,正財暢旺,橫財就手!

Persie
Persie 2017/01/27 12:27:56 回覆

主席,午飯時間有得行公司實屬不錯,可以減壓,也可以購物。換了我也不想遷往大埔!

Persie
Persie 2017/01/27 12:23:25 回覆

昨日得知一位朋友的朋友離世。他去世後身無長物,舉殯的費用由他去的church支付。此君有三段婚姻,第一位妻子有一子一女,但久無聯絡。第二位妻子亦失聯已久。第三位妻子兩年前跟他離婚返回自己家鄉(好似係馬拉),自此他搬返母親家居住。90多歲的母親去年11月離世,他在兩個月後猝逝(我朋友懷疑他係自殺)。豈料追思會上他的弟弟突然列席,而他(弟弟)原來任職某公司高層。我不知內情,只能說句家家有本難念的經。希望他安息。

慳妹
慳妹 2017/01/24 21:20:56 回覆

舅父仔:頭條網的系統早就應該提升,據知情人士透露,奈何管理層對這個網好像有點意興闌珊,是與不是之間,搞得不三不四,經常出現問題,弄得大家以為是自己的電腦或上網有毛病!

年紀漸長,覺得健康最重要,否則其他一切都是徒然。  農曆年假後,我公司會由尖沙咀遷往白石角香港科學園,以後每天上下班都好似去遠足咁,連住大埔的同事都唔想搬;無他,由五光十色的廣東道去到科學園,午飯時間不能再逛街購物,改為去海濱長廊散步,一時間接受不了!

Persie
Persie 2017/01/23 09:13:54 回覆

農曆新年都快到了。明天是一位好朋友的大壽,本來預備了大事慶祝,但他突然急病入廠做手術。

這位朋友仔大女大,身家豐厚,又懂得享受生活,我衷心祝福他冇事。

我自己身體狀況亦不見得很好,但我明白人生路不能自選長短,我會繼續加油。我新年會與生腦瘤和手術失敗要坐輪椅的朋友聚會。常說會相約食飯,但從來沒約,這個壞習慣要改。

希望大家都繼續加油,關心身邊人,儘量快樂的生活。

Persie
Persie 2017/01/16 09:12:40 回覆

番茄,新年好!對,要謀定而動。

Persie
Persie 2017/01/16 09:10:35 回覆

聯廣,冇買,難度太高唔識。但恭喜靚靚馬太。

我知道有D記者不喜歡她,常提住她細細個不光彩的事。其實何必太介懷別人的出身呢?

今早無啦啦又可以登入。

蕃茄
蕃茄 2017/01/15 22:10:29 回覆

咁多位, 新年好,

2017年 ,香港, 美國政壇都洗牌再玩, 且看.

李聯廣
李聯廣 2017/01/14 12:55:16 回覆

頭條網近來有時登出後會無法再登入,所以我有一部tablet長期保持登入狀態。

Persie, 有冇入番少少「愛美神」股?

Persie
Persie 2017/01/07 10:02:26 回覆

主席,祝好,希望妳生活愉快,新年進步。我無法登入頭條網。

慳妹
慳妹 2017/01/03 10:35:47 回覆

舅父仔、各位好友:新年進步,身體健康,工作愉快。

蕃茄:伯母的意志力戰勝病魔,是新年最佳禮物,恭喜恭喜。

Persie
Persie 2017/01/03 09:18:05 回覆

各位開工大吉,新年進步!希望2017順順利利。

幪面馬仔
幪面馬仔 2016/12/31 23:25:16 回覆

多謝      聯廣

 

無驚無險又一年

又或是年年難過年年過。

大家2017開開心心過 {#iconb_340}

李聯廣
李聯廣 2016/12/31 13:28:50 回覆

{#th.jpg}  

Happy new year to all.

Persie
Persie 2016/12/25 13:45:30 回覆

聯廣,馬仔,主席,番茄,chanreborn,浪子,花姐和各位blog友:

 

祝各位聖誕快樂,身體健康!

李聯廣
李聯廣 2016/12/24 13:32:34 回覆

Persie and all blogmates,

{#images.jpg}

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。