取難不取易？

建制曾下令救方國珊 有人不執行

建制派在超級區議會選舉發動的搶救王國興方案未盡如人意，在新界東地區直選的過票計劃更可謂完全失敗。據了解，建制派操盤人曾在新東直選嘗試搶救屬於非泛民、非建制的西貢區議員方國珊，但部分建制派拒絕執行有關指令，最終令到方國珊僅以約一千票之差敗予社民連梁國雄，新東九席維持建制只得三席，泛民加本土派連取多達六席的格局。

方與西貢區建制派有積怨

新東三名建制派當選者民建聯葛珮帆、民建聯陳克勤及新民黨容海恩，最終分別取得逾五萬八千、四萬八千及三萬六千多票，只要前兩者能將其中千多票分給方國珊，方即能勝出，且不會危及自身安全。據聞操盤人在投票時間末段，已得悉葛、陳及容均夠票，工聯會鄧家彪則已全無勝算，在「中間派總好過泛民」的考量下，決定下令建制派配票給方國珊。(喂！容海恩其實都係危危乎，你叫建制派過票？幾難！)

不過，由於方國珊在西貢區議會內與建制派素有積怨，包括曾就擴建將軍澳堆填區問題狙擊民建聯，並因涉嫌襲擊葛珮帆而被檢控，有建制派拒絕執行配票指令，最終益了梁國雄。(聽我講：一早攪掂姓「侯」嘅唔參選、或者學人地「棄選」，然後話俾人恐嚇，咁咪攪掂囉！咁做係咪容易得多呢？)

展望未來，若方國珊下屆真的放棄參選立法會，形象較為中產、且同為女性的葛珮帆和容海恩，應能吸收方的部分票源，增強整個建制陣營在新東的配票空間，協助工聯會爭取渴望已久的新東建制第四席。(今屆都攪成咁，四年後我都冇眼睇咯！有命嘅都唔投票。)

某程度上，個人認為民建聯今屆算係交棒成功嘅！我講成功係因為接棒果啲較為年輕。年輕係四十幾歲果啲，唔係廿零歲、冇社會經驗、不知人間何世果啲。無論任何政黨、任何機構，永遠得果幾個人話事(教協咪係囉！由華叔年代到依家都係咁，冇民主可言)，咁就幾難永享！「公記」、「？協」、甚至「民主袋」都面對同樣問題！表面睇嚟，今次好多年輕嘅「港毒」入選，但係呢啲係大勢所趨咩？響揀無可揀嘅情況下，有啲選民係想博一鋪(求變)！不過，我批死你地咁諗係錯嘅！

未來如何？是兩陣對壘、還是三國鼎立？姑且拭目以觀之。