入住「拘留所」或「水飯房」吖!

2016/09/11 10:57:53 網誌分類: 時事
11 Sep

怪事無奇不有,香港今年特別多!

大家都知道,咩嘢叫做「水鬼升城隍」嗎?此語是形容人事上的特殊升遷,以低賤驟進高貴。

報導:

 

聲稱收到死亡威嚇的候任新界西立法會議員朱凱廸,昨日在多名便衣警員保護下,先後出席兩個電台節目及到荃灣和屯門區謝票(哈哈!由警方陪同佢謝票?市民點睇?呢個係「正苦」認同嘅「議棍」?好明顯:咁做法係有陰謀嘅----話俾全世界知:佢有皇氣照住,黑白二道都怕左佢)。他指警方已提出主動去消除針對他的威脅,但擔心過一段時間後,威嚇又會重新出現(咁即係點,想一世保護你),故考慮能否搬往立法會大樓居住(自從「佔中」事件,「垃圾會大樓」經已淪為「飯民」及其助理嘅留宿之處。其後秘書處又冇認真處理,人地先會有咁嘅念頭!不如將「議棍」辦公室配俾佢地做住所吖,惟一要求係:每次會議必須由頭坐到尾---不准擅自離開、不得拉布、不得掟嘢!否則要即時遷出,實行即捕即解)。消息指,警方根據朱提供的資料,初步認為事件可能涉及鄉事派或黑幫人士,亦會循朱曾經爭取的事件,包括元朗橫洲和屏山土地爭議等調查,希望可找到線索,但暫未拘捕任何人。(如果件事係真嘅,係咪應該低調「放蛇」,拿拿林捉倒人,咪唔駛煩囉)

 

市民大眾祇知道有人報警求助,指受到恐嚇,但係冇咩嘢實質資料。咁即係片面之詞啦!奇啦:

 

一. 我姪女早兩日由美國回港,今早又飛走左啦!佢同我阿哥(佢老豆)響美國睇倒呢則新聞,第一個問號係:受到恐嚇唔係應該求警協助,然後低調處理,咁先至有機會破案架馬!佢咁高調,好似祇係想話俾人知:我依家做左「議棍」,要勞役番班警察夠本!

 

二. 警方單憑佢片面之詞,便那麼高調保護佢冚家。問題又來了:如果呢件事係「老作」出嚟,咁呢單案永遠都冇可能破倒案!警方係咪永世保護佢?如此一來,佢嘅福利咪好過做特首?祇因佢係票王?

 

三. 此風一開,其他人又會有樣學樣:葉劉夠係女票王咯!佢可唔可以話成日俾人跟蹤,生命受到威脅,又要警方保護呢?(連佢幾時去過邊度都一清二楚喎!我係佢都好驚。不過,佢都算係有頭有面吖!果位?Mr. No Body咋)

 

唔係講笑架,即刻有人跟風啦:

 

尹兆堅稱受嚇 責警大細超

 

另一新界西候任議員民主黨尹兆堅表示,最近亦曾被人跟蹤,收過三封寫有自己住址的刀片信,座駕亦曾遭人淋火水等,已安排太太與子女搬離寓所,到其他地方暫住。他批評警方未有積極跟進其舉報,至今無找他落口供,質疑是否要學朱凱廸高調到警察總部報案,案件才會獲得重視。(你報案都未必有用,因為你唔係票王!)

 

四. 呢位票王,根據過往紀錄,經常會做埋啲要警方出動嘅行為。請問:如果佢攪事,警方係咪要一方面保護佢、一方面又要打壓佢呢?

 

此外,朱凱廸在電台指出,香港非常落後,到現在才首次有他這類環保人士進身議會,他會與同樣主打保育議題的候任建築界議員姚松炎緊密合作,認為香港值得發展綠黨。(咁同落後有關咩?民主選舉吖馬,鬼叫你地呢班所謂「保育人士」過往冇參選或者選唔倒咩?我夠質疑點解會選倒佢咯)

 

五. 「上得床來撁掀被蓋」 !佢見警方咁順攤,依家得寸進尺,連佢嘅隨從都想警方保護埋。遲啲所有「議棍」都用呢條「橋」,警方咪淪為「議棍」同埋佢地支持者嘅私人保鏢?

 

六. 第日開「垃圾會」,如果佢又攪衝擊、掟嘢....或者更激嘅舉動,「垃圾會」內保安奉命要阻止佢,咁保護佢嘅警員又如何自處?

 

-------------------------------------

 

其實,佢入住「垃圾會大樓」係冇用嘅(我假設佢真係受到恐嚇咋)!係人都知:「垃圾會」大樓等同冇掩雞籠(議棍同班助理(有啲連助理都唔係)響入面打邊爐都冇人理、過夜又冇人理...)、「垃圾會」啲保安?根據過往紀錄,你信佢保護倒你咩?CY都差點被掟中啦。

所以,冇嘢好得過入住警署入面嘅「拘留所」:成棚警察響度保護你、到時到候又有飯開(食「皇家飯」唔係人人都得架)!冇得退而求真次,諗住住入警署就算呀!警署同「垃圾會」一樣,係冇掩雞籠嚟---我試過響某警署上左幾層樓,遇到N個警員,竟然冇一個會問吓我所為何事?可能我個樣一睇就知係「忠」嘅啦!

另一個建議(唔好話我唔俾選擇你):入住監獄裡面嘅「水飯房」吖!單人房,唔驚有人買兇入去殺你;亦唔駛擔心兩餐(唔駛驚:依家嘅「水飯房」唔係淨係得水同飯。佢依家份筍工,餐餐叫外賣都得啦)、更加唔會浪費納稅人嘅錢做埋啲無謂嘢----監獄內,看一個係咁、看兩個、一百個、一千個、N個...都係咁!

諗諗佢吖!真係好安全架---即使發生「監獄風雲」事件,你都唔駛擔心。咁樣就真係win win win(三贏方案)你放心、市民放心、「正苦」更放心!

回應 (3)
我要發表
2016/09/11 15:49:03 回覆

到時「正苦」一早通知晒啲好人離開「垃圾會」,然後將啲壞人一網打盡!唉,發夢冇咁早,呢個「正苦」依家做左奶媽,專職湊「細路」!

2016/09/11 14:16:59 回覆

點解有理想之人要黑警保護?為何警察要做他的私人保驃?很明顯目的是想佔領垃圾會,方便他日來個裏應外合,屎橋!政府又會上當?

383383
383383 2016/09/11 11:05:59 回覆

{#iconb_263}

以前,英治時代,英國佬點會高調派人對普通人作出保護架?

你估而家請私人保鏢嗎?

當然,要低調處理,暗中捉鬼的啦!

而家重港正苦,下下要陪班小朋友做戲,降左格了。

如果他們要高調受保護的,入住水飯房是一個好選擇。反正,有甚麼地方,比單人房更安全呢?

user