懶馬的下場

每一間公司，正常都會有幾個員工職位係平起平坐，人工又係差不多的，而工作量平分春息，但隨著時間過去，大家因工作表現不同，結果工作量會偏重去其中表現好的一方，而埋怨就會開始產生。

「點解大家係同一個職位，我忙咁多，仲要幫佢執手尾！」

表現較差的員工，或許會改善表現，但更多的會樂於維持現狀而不求變。

從前有個主人，他養有兩匹馬，用來運貨，其中一隻馬比較勤力走得快，而另一隻就常偷懶放慢腳步行，延誤行程，結果主人將所有貨物，都放到勤力的馬身上，而忿怒的將懶惰的馬趕回家裡的馬棚去。

懶馬悠然自得的享受生活，但到了年尾，主人發現家裡招呼客人的肉不夠，決定將隻懶馬殺來加餸做晚餐。

辦公室裡，也常出現懶馬，例如有資深的同事，持老賣老，抱住「得過且過等退休」的心態，常常推卸責任，要新人肩負起更多的工作，造成職位相若，但工作量卻大有不同，產生不公平的現象。

面對以上情形，公司管理層在工作分配時要公平，亦要讓懶員工得到相關警告，同時論功行賞，勤力員工獲得相應獎賞，當公司實行緊縮政策時，員工的工作態度及表現，自然會成為裁減考慮因素。