風流工

我呢個網誌經常有好介紹架！繼之前向大家介紹果份超筍工外，仲有好嘢呀！

大家都應該知道，果份超筍工依家截左止，亦已塵埃落定！蘇州過後，要四年後先有艇搭；除非有人提出嘅選舉程請得直、又或者「正苦」、「廉記」有本事，將某些成功入局者搣柴(不過，都唔好有期望咯)，咁你仲有啲機會。

不過，與其等運到，不如主動出擊啦！有啲風流工係長搵長有架，何解？請極都請唔夠人、又或者打緊果啲工嘅人唔志在、又或者出便有份更好收入嘅兼職囉！

我一向祇以為打地政署份工好做咋---可以返工等放工，對僭建、霸地視而不見(時運高)....淨係每個月收人工、等夠年齡退休、甚至自己都霸埋一份又得、自己唔霸幫其他人霸又得！為咩嘢呢？你話啦！

再唔啱嘅，入倒「康文署」做表演場地批場果份工都唔錯架---你鍾意批俾邊個就邊個。條件？睇邊個識做啲囉！咁就....

「佔領」期間，大家都見倒有位姓郭嘅仁兄響「死肥佬」身邊貼身保護啦！後期有報導指佢係康文署救生員，當時以工作時跌斷鎖骨為由請了一年多病假，然而病假期間積極參與佔領行動，並以公務員身份在金鐘佔領區擔任糾察長，其實是壹傳媒老闆黎智英的貼身「睇場」，多次「勇武」出招，一點都不像有病在身的樣子。但儘管外界質疑郭紹傑為參與佔領而騙取病假，康文署卻一直無動於衷，咁其實證明左咩嘢？

第一：康文署係一個廢部門。所以請嘅人都係廢嘅，返唔返工都冇所謂，反正都係納稅人出錢請嘅啫(有板佢睇架！「垃圾會」班「垃圾」仲嘥錢啦)！或者，

第二：果份工長期請唔夠人，即使你懶到飛起，佢都唔敢炒你---因為賣少見少！

姓郭果位，原來祇係冰山一角咋。最近，申訴專員公署踢爆康文署監管不力等七宗罪，致使轄下救生員濫請病假、遲到、擅離職守等現象失控。

凡此種種，傳媒也不知揭發多少次了，康文署不可能不知情。員工「射波」期間「手欠」，在社交媒體上載玩樂照片因而被炒的事例，今時今日職場可謂不勝枚舉，更何況是堂而皇之參加工業行動，很明顯，署方並非「不能管」，只是「不管」而已，說穿了還不是投鼠忌器，怕了在背後撐腰的勢力。見微知著，康文署縱容濫請病假，跟港府有法不依，放任佔領黑手等牛鬼蛇神，其實如出一轍。小事也做不好，大事自然更做不了，港府連救生員也管得一塌糊塗，遑論其他政治經濟問題！

其實，現今嘅「正苦」部門，何止「地政」同「康文」係廢嘅呢？祇不過市民最容易接觸倒呢兩個部門啫！正是物必先腐而後蟲生。歸根究底，還不是整個「正苦」的問題！

不過，話時話，呢個「正苦」冇得救架啦！不如，趁佢未完全失救之前，入「正苦」打番份「風流工」；好彩嘅，或者仲可以捱到退休嘅！雖然冇份超筍工咁高薪可以冚家富貴，但勝在自由度高，一身可兼幾職丫馬。