契仔、契女、契弟

「垃圾會」選舉塵埃落定，結果無論你喜歡也好、不喜歡亦好，都無奈接受！呢啲咪所謂「民主選舉」囉：少數服從多數！

回想響果啲「選舉論壇」---第一集睇係因為隔離左右啲台都冇嘢睇，於是睇左一集「講台」製作嘅，真係唔想睇，兩個主持不知所謂；其後因緣際會睇多左集「無線」製作嘅，雖然參選者質素差，但係果位主持質素高吖馬，咁咪搭夠囉！結果....睇左兩集咯！地區直選得五集啫，冇理由自己果區唔睇架....咁睇左三區咯，又唔爭在睇戲睇全套啦！咁咪衰左囉。不過，我冇再睇「講台」製作果啲呀。

回想當時響論壇度，經常聽倒有「飯民」候選人指著「親建派」候選人，大聲疾呼：「係人都知你係西環契仔/契女啦！」唔好意思，我唔知喎，我相信大部份選民都唔知！依家知啦：原來「親建派」果啲就被標籤為西環契仔/契女，咁非親建派果啲應該點稱呼呢？

「契仔/契女」相信佢地認為「阿爺」係長輩，佢地自不然係晚輩，所以稱之為契仔/契女；咁相反，「親飯民」果啲係咪應該稱之為「契妹」或者「契弟」呢？因為佢地嘅後台做梗大佬架啦，佢地係後輩、唔做「契妹」、「契弟」做咩嘢呀？

-------------------------------------

雪地鴻爪：契仔契女與契弟

如果要用一個字來形容今次的立法會選舉結果，那就是一個「契」字，這邊廂有契仔、契女，那邊廂有契弟，旗鼓相當，誰也不比誰乾淨，誰也不比誰高尚(所以有「五十步笑百步」此語)。(註1)

可以見到，每逢選舉壹傳媒都會炒作西環為契仔契女「配票」的新聞，除了刻意醜化有關親中人士的形象，將他們打成西環的牽線公仔，更是暗示朝廷干預選舉，破壞「一國兩制」。今次選舉更不例外，不信你翻開這段時間的爛果報，幾乎天天都有這方面的報道，真真假假，虛虛實實，信不信由你，反正經過壹傳媒十多年如一日的洗腦抹黑，很多人是信了。(CY又講嘢啦：佢認為教育局無必要就港獨向學校發出指引喎。因為香港係中國不可分割的一部份，「基本法」已清楚講明，香港祇有一小撮人支持「港獨」！但係好多「教棍」利用上課時間，幫啲學生洗腦吖馬；佢未聽過聚沙成塔、積少成多咩？如果無為而治都得嘅，佢都無謂存在啦！不過，佢可能未理解何謂「無為而治」(註2))

來說是非者，就是是非人，最愛操控選舉的其實不是別人，正是人稱「漢奸黎」的壹傳媒老闆黎智英(得意在一直操控選舉嘅江湖大佬天天響「毒媒」度話人地操控選舉；不過，又有人信喎！難怪香港騙案無日無之，啲人唔識得吸取教訓嘅。大話講多幾次，連自己都信以為真)。「雷動計劃」就是黎智英同佔中搞手戴耀廷策劃的干預選舉、充當造王者的工具，先是利用有關民調拉高舞低，影響選民的投票意向，繼而在選舉當天，雷動計劃及爛果報發動配票，全力催谷白鴿黨的幾名乳鴿，結果白鴿黨在選舉中大勝，議席增加，部分泛民小黨則被棄選被犧牲(冇法子啦！佢地年紀大，佢地唔介意做「契妹」、「契弟」，人地都嫌佢地超齡)。幾位候選的乳鴿當晚還非常榮幸地進入黎智英的大宅，名曰觀察選舉，實是交心交肺。(一代鲜肉換老餅！好似人一樣：有出生便有死亡，半點不由人！)

選舉曲終人散，壹傳媒大肆渲染契仔、契女到西環謝票，這是一百步笑五十步。君不見，幾隻老鴿在夜色掩護之下帶領幾隻新當選的乳鴿齊聚黎家大宅，逗留約三個小時才離開，杯盞交錯之間，涕泣交流之下，不感恩戴德宣誓效忠才怪。恭喜恭喜，做得黎智英的契弟，今後不愁賞賜及政治前途矣。(此之謂「半斤八兩」)(註3)

香桐仁

註：

1. 五十步笑百步

出自《孟子·梁惠王上》中的一則寓言，孟子在和梁惠王對話中，說士兵在陣前逃跑，一人逃了五十步，另一人逃了一百步，前者就譏笑後者不勇敢，以此來比喻譏笑別人犯錯時，自己亦犯了同樣的錯誤，只是程度輕一點。

2. 無為而治

所謂無為而治，就是通過無為而達到天下大治。什麼是無為？從字面上看，無為似乎是無所作為、消極無為的意思，其實這是望文生義。老子所說的無為，決不是什麼也不做。

3. 半斤八兩

一斤有十六兩，所以半斤其實等如八兩，即係重量相等。