假如「新界東」「新界西」重選!

2016/09/20 07:46:19 網誌分類: 時事
20 Sep

報導:

 

香港民族黨召集人陳浩天早前因為支持港獨被取消新界西參選人的資格,他於立法會選舉結果出爐後數日,隨即向高等法院提出選舉呈請,指選舉主任取消其參選資格屬於違法違憲,要求法庭宣告選舉結果無效,有候任新界西立法會議員透露已經收到法庭傳票出庭答辯,估計連同自己在內,共有九名候任新界西議員均收到傳票。

 

候任新界西立法會議員朱凱廸昨午出席活動時指已收到法庭傳票,相信是陳浩天透過法庭傳票,傳召他出庭答辯,至於到時會聘請律師或自辯,朱則稱暫未有定案。

 

-------------------------------------------------------

「新界東」梁天琦有同樣情形。以常理論:如果有不少參選人冇簽果份確認書可以參選、又有不少人簽了「確認書」但明撐「港毒」又可以參選兼獲選,咁呢兩個「選舉呈請」應該得直喎!除非「正苦」其實做緊嘢告果班嘢,祇不過市民唔知啫!

 

如果選舉呈請得直,呢兩區便要重選---上左馬果啲要落馬,咁一定有人嘈到拆天、有人可以繼續發春秋大夢。

 

「新界東」:

 

上次輸到離行離列果啲候選人應該唔會蠢到再參加掛,抬多次蛋、俾「正苦」充公多次報名費?再選,果條毛仲會唔會執倒「死雞」呢?「哪吒」仲會唔會選呢?佢聲稱用晒啲姑婆本、唔會再參選!咁重選算唔算?

 

「新界西」:

 

「灼人」點?四失之後一定痛定思痛,會唔會再聽「死肥佬」之笛(唔聽?佢有本錢咩)?重選,「飯民」配票會唔會配得好啲?唔好俾咁多票「滴滴仔」咪得囉!但係選民嘅嘢,係咪咁簡單,你叫佢俾邊個就邊個?

 

我相信「基哥」仲會搏多一次,因為重選好多變數,佢未必冇機!

 

如果「滴滴仔」重選輸左(佢當選後,未上任做左咁多嘢,我相信有人會不惜一切唔想俾佢贏)、又或者即使當選,但少左一半票----顏面何存?依家意氣風發,到時....

 

諗吓諗吓,有報導指:今屆立法會選舉已結束,FactWire傳真社向不同政黨及市民收集票站數據,從571個票站收集了其中六分一個票站的資料,發現至少5個票站點算的選票數目多於投票人數,多出數目超過800張。

 

如上述是真,剩下果三區都有重選可能。如果重選,九西會吾會—代癲狗換BB呢?雖然我吾喜歡養狗,我更加唔喜歡養個白痴妺!

 

我真係好希望見倒重選呢一幕呀!不過,如果全港重選,香港吾大亂、你問我得得啦-------成舊肥豬肉放到口唇邊要攞番出嚟喎!

回應 (0)
我要發表
user