越南牛肉粉

依家做生意,似乎好興响面書出po介紹自己間鋪頭(賣廣告要俾錢,咁樣連廣告費都慳番)

昨日就响面書見到一間越南餐館推介自已,一望地點原來就响本區某華人啇場入邊,呢間蚊型啇場開左好多年,但係好冷清,我從來冇去行過,睇停車塲外嘅招牌,冇間鋪頭吸引我入去行呀!

間越南餐館都唔知係幾時開响度嘅,反正午餐唔知食乜,咪同大仔去試吓囉!睇嚟間鋪開左好耐,生意唔錯,顧客除左我同大仔两個唐人,其餘全係白人,同待應生好熟,應該係熟客.

入門處,玄關有個笑口吟吟嘅大肚佛歡迎客人

店主係越南人,在一角安奉左觀音菩薩

我地唔係好識點越南餐,叫左最基本嘅越南春卷同米紙卷,越南牛肉粉

米紙卷有蝦同豬肉,沾左有花生醬嘅汁幾好食,但炸嗰d入面係肉碎,麻麻地啫!我以前食過嘅越南炸春卷入面有雞蛋絲,蝦同埋唔記得係乜嘢,好食好多架!

呢餐未計貼士,盛惠三十一加元,約一百六十多港元,唔知比起香港算平定貴呢?