PACO名人會
PACO名人會
PACO名人會

新片入圍金馬獎 曾國祥:多謝陳可辛畀機會!

2016/10/03 08:41:16 網誌分類: 娛樂
03 Oct

        恭喜曾國祥!剛收到消息,其執導新片《七月與安生》入選今屆金馬獎競逐最佳導演獎,而兩位女主角周冬雨、馬思純則雙雙入選最佳女主角,實在可喜可賀!這部改編自內地同名小說的電影在內地贏盡口碑,票房更衝破1.6億元人民幣,現鐵定本月27日在港上映,觀眾一定要入場支持;我一直睇好曾國祥,知道他有的是才華,需要的只是一個時機,今天能有這成績,相信很多人替他開心,Derek笑言爸爸曾志偉特別安慰,還說這次成功後片約不斷,「?家每日都有老闆、製片打畀我傾合作,手頭上有好多劇本睇緊。我覺得擺喺面前嘅機會愈多愈要小心揀,要諗得好清楚自己下一步應該點行!」說得對,千萬不要被成功沖昏頭腦,成功了第一步,才更要想清楚如何更上一層樓!

        別以為星二代比別人有着數,37歲的曾國祥入行初期是在陳可辛公司當打雜,默默耕耘好幾年才跳出來闖天下,而這次《七月與安生》正是當年啟蒙老師陳可辛跟他一起的合作,「我讀完大學就喺陳可辛公司打雜,做阿四做咗好多年。其實離開之後咁多年,我做演員又做過導演,Peter一直話不如搵部戲一齊合作,但係傾咗四、五年都未搵到好啱嘅project。直到舊年年頭佢打畀我話手頭上有個好好嘅故仔,我先至第一次接觸《七月與安生》呢部小說,知道原來有個叫安妮寶貝嘅作家,係同韓寒、郭敬明同期,原來好多八十後嘅女仔,佢哋成長係睇呢本書大。我開頭淨係覺得小說好睇,唔知呢本書影響力咁大,拍戲拍咗一半,好多書迷喺微博留言畀我,仲叫我唔好毀掉佢哋嘅青春回憶.....我覺得呢啲係緣份嚟嘅,同Peter係緣份,同呢個故仔都係緣份,與其話我去搵呢個project,不如話係呢個project搵到我,每套戲有佢嘅命。」我絕對認同,一切都是註定,每套戲都有每套戲的命,電影能同時獲第五十三屆金馬獎六項提名,包括最佳導演、最佳女主角、最佳造型設計、最佳改編劇本、最佳剪接及最佳原創歌曲。

        周遊六地拍攝艱辛

        我總是說,真正主載電影成功的是導演和劇本,選角成功也是導演的眼光好。戲裏飾演「七月」的周冬雨和飾演「安生」的馬思純都是在鏡頭前很有氣質的新生代演員,她們同時入選今屆金馬獎最佳女主角,但是很多人都不明白唯一的男主角為甚麼選用完全沒有知名度的李程彬,這就要好好問問導演。

        「周冬雨真係好有靈氣,一開始另一監製JoJo許月珍畀個List我問我有邊個特別想合作,我就想到周冬雨!至於馬思純,係因為選角時佢咁啱有套電影喺內地好紅,叫《左耳》。原著七月按部就班,安生就好反叛,周冬雨以前喺戲裏面嘅角色特別溫純、馬思純就好有性格,估唔到現實中反而相反,周冬雨古靈精怪、馬思純就好斯文。所以我安排周冬雨做七月、馬思純做安生,對演員係挑戰,對觀眾都好有新鮮感。至於男主角,開頭都諗過用一線嘅所謂小鮮肉嚟演,不過考慮到個劇本主線主要喺女仔度,不如試下用新人。其實當初我哋喺中港台三地都有casting新演員,直到李程彬出現,估唔到佢唔止好靚仔,成個彭于晏咁,試戲畀我哋嘅感覺仲好有層次,真係一啲都唔似新演員!真係好感恩,我哋為咗套戲去咗南京、北京、上海、張家口、浙江遂昌和俄羅斯取景,成個過程好艱辛又無間斷,但係成個過程所有人員都合作得好開心、絕無怨言,辛苦得嚟拍攝得好順利!」

        時來運轉機會不斷

        相隔數年再跟恩師陳可辛合作,肯定獲益良多,曾國祥坦言拍攝上Peter送上無限量自由度,完全放手讓他發揮,「陳可辛、許月珍佢哋對製作每一關都把得好緊,不過拍攝方面,陳可辛好放手,唔太干預我。反而我始終對內地市場唔係好認識,我學得最多,係Peter對包裝對宣傳真係好出色,特別有佢嘅一套!」跟陳可辛學到嘢,自己做導演又賺到咁好口碑,所以我說特別替Derek感到高興,因為經此一役前途肯定更加光明,「其實票房唔係最重要,我哋套戲口碑真係好好,我最開心係好多觀眾話見到呢兩個女仔由13歲相識至30歲,十幾年間各有經歷,佢哋嘅成長就好似一塊鏡,搵到自己影子,好多人話好易代入感動到喊......係嘅,嚟緊我自己好多計劃,愛情、科幻笑片都想拍,每日都會接到片商、老闆電話同我傾合作。?家每日手頭上都有劇本睇緊,機會愈多愈要同自己講唔好急,一定要慢慢揀,諗清楚自己下一步點行!」

        主持:黃柏高
        統籌:林永匡
        協力:彭子僖
        攝影:袁東亮、謝民光
        場地:Palco
 
■我一直睇好曾國祥,如今看到他執導新片成功,還獲提名金馬獎最佳導演,實在可喜可賀。
■我一直睇好曾國祥,如今看到他執導新片成功,還獲提名金馬獎最佳導演,實在可喜可賀。
■曾國祥坦言憑《七》成功跑出,下一步要小心選擇劇本。
■曾國祥坦言憑《七》成功跑出,下一步要小心選擇劇本。
■曾國祥笑言電影把周冬雨﹙右﹚和馬思純﹙左﹚最真實一面呈現。
■曾國祥笑言電影把周冬雨﹙右﹚和馬思純﹙左﹚最真實一面呈現。
 
■曾國祥大讚男主角李程彬演技有層次。
■曾國祥大讚男主角李程彬演技有層次。
■兩女主角的經歷正是現今八十後的成長故事。
■兩女主角的經歷正是現今八十後的成長故事。
 
 
■曾國祥在拍攝現場細心向小演員教戲。
■曾國祥在拍攝現場細心向小演員教戲。
■曾國祥感激監製陳可辛︵左二︶完全放寬自由,讓他盡情發揮。
■曾國祥感激監製陳可辛︵左二︶完全放寬自由,讓他盡情發揮。
回應 (0)
我要發表
user

最新回應

jazz 2204
jazz 2204 2020/08/03

Good day! I could have sworn I've visited your blog before but after going through a few of the posts I realized it's new to me. Regardless, I'm certainly pleased I stumbled upon it and I'll be book-marking it and checking back cokeandpopcorn is