收地起屋新聞都可以娛樂化？

報道其實寫得好清楚，呢個只係非常初步嘅構思，房屋署只係進行第一步「摸底」，睇睇區議會代表有冇反彈，再決定下一步點做。明明就未決定會收呢塊地，但個別媒體就反反覆覆質疑，話點解唔諮詢傑志足球隊呀？點解民政事務局唔知呀？點解搬的話，冇其他配套同選項呀？唔知大家睇到上述問題，覺唔覺得有問題，囍雨就覺得好搞笑喇。

 收地起屋新聞都可以娛樂化？

房屋    囍雨 出生於七十年代未，成長於八十年代。緬懷所謂的Good Old Days，對香港部份人時常嗟天怨地感無奈，認為香港仍然是「只要努力，仍有出頭天」的福地，不擅書寫中文，寧寫口語。

                                                                                                                                                        2016-10-04

一睇條題，唔好以為係乜嘢複雜嘅哲學題，囍雨想講嘅，其實大家每日都耳聞目睹，冇錯，就係非常娛樂化嘅本地香港新聞喇！喂喂喂，做乜又批評香港嘅新聞呀？《蘋果日報》又做錯乜先？嗱嗱嗱，唔好屈囍雨呀，今次唔只講爛蘋果，其他媒體都有份齊齊作業（孽），剩係鬧當爛蘋果，會變得非常唔公平囉。

講咁耐，到底講緊邊單新聞先？咪就係早幾日傳出話政府有意回收賽馬會傑志中心起居屋呢單嘢之嘛。

  盲反政府 常理都冇埋

呢單新聞咁「重要」，點解話好似明星八卦先？呢單新聞重唔重要，或者直接講，應唔應該為了起「公營房屋」就用盡土地，本來係好值得討論嘅。不過反正而家政府講明，可以解決點樣重置訓練中心之前，唔會考慮收返呢塊地皮，咁姑且就唔好討論住囉。

囍雨個人覺得最離譜嘅係，個別媒體根本未搞清楚件事係點，就上綱上線批評政府「盲搶地」；報道其實寫得好清楚，呢個只係非常初步嘅構思，房屋署只係進行第一步「摸底」，睇睇區議會代表有冇反彈，再決定下一步點做。

明明就未決定會收呢塊地，但個別媒體就反反覆覆質疑，話點解唔諮詢傑志足球隊呀？點解民政事務局唔知呀？點解搬的話，冇其他配套同選項呀？唔知大家睇到上述問題，覺唔覺得有問題，囍雨就覺得好搞笑喇。

大家試諗吓，用常理可以喇，你有一個構思，明明係最初階段嘅「摸底」，去唔去馬都未決定，開放式討論，咁點可以同一時間諮詢晒所有持份者先？仲有，如果已經準備好晒成套配套方案同諮詢計劃，咁即係我已經有「收地」嘅意向啦，咁又點會係初段嘅「摸底」先？

  報道手法勁似明星八卦

囍雨之所以話個別媒體報道勁似娛樂新聞，正正就係上述原因。舉個例，大台某監制構思緊一套劇，公司都未拍板可以拍，呢位監制就去搵唔同人傾吓啦，討論過程中難免講到會搵邊個做主角之類，構思階段咋喎，唔會得一個人選啩？

點知好衰好衰，有人口多多將件事講畀娛樂版知，娛樂版就大肆報道啦，話大台放棄某某花旦，改為寵幸某個新紮姐仔喎。跟住啦？走向相關人士度問回應，你一言、我一語，結果搞出好多花邊新聞，仲煽動到啲明星互相攻擊添，幾犀利呀！

係唔係似曾相識呢？似唔似今次收訓練中心起「公營房屋」呢單新聞呀？無他嘅，都係唯恐天下不亂之嘛，主角唔同，目的一樣，挑動矛盾為首、監督政府為次，呢啲咪係今日某啲傳媒嘅「專業守則」囉。聽落好無奈，但呢類傳媒就係咁墮落，有咩辦法吖！

   圖片來源：大公報

   收地起屋新聞都可以娛樂化？

  http://speakout.hk/index.php/2013-11-04-09-33-03/2014-01-13-10-38-56/17683-2016-10-04-08-40-22