性格

2016/10/09 11:23:49 網誌分類: 生活
09 Oct

中文電視重播緊N年前的季節,昨日睇到劇中媽打講 " 我一生人最怕两樣嘢,一就係估,二就係等,有啲乜嘢撇撇脫脫,一就一,二就二,唔好要我估嚟估去,左等又等."

哎,完全講中哂我性格,我都係咁架!我時時話萬一有咩意外,我寧願自己第一個馬上死去,千祈唔好留低我唔知要等到幾時嘅救援呀!

其實我年輕時性格好温吞,樣樣都唔緊唔要,亞媽成日笑我份人咩都冇所謂,乜都話由佢囉!唔會介意人地點睇自己,更唔會為任何事上心勞氣,但唔知幾時開始,我竟然變得急躁緊張!

有時想想,年輕時的性格令自己開心好多,點解唔可以好似以前咁呢?我都好嬲自己今時今日做乜咁執着呀!

回應 (2)
我要發表
2016/10/10 22:50:27 回覆

我而家都好容易忟架,老伴倒瀉湯水在地,我又一肚火,明知佢都唔想嘅,忍住唔鬧佢,唯有自己谷氣,年輕時嘅我可能只是一笑置之!

2016/10/10 15:54:45 回覆

年紀大了真係會變架!我而家都變成急性子!怕無記性,所以一講就要做!又無耐性,容易炆!

user