秋涼:喉嚨痕
2016/10/11 07:16:54 網誌分類: 健康
秋,涼,人最易感冒有幾聲咳。當喉嚨痕咳咳咳咳係不斷尾時,大家有試過加鹽燉橙嗎?雖然阿媽多數教落:「有咳唔好食橙!」但是燉橙煮熱來吃,又的確有人止到咳,有人又唔得,究竟點解?
註冊中醫師侯平解釋,原來屬性甘帶酸的橙,經加鹽燉煮後可「變性」,惹咳酸性大減,而更重要的是,撒在橙肉內燉煮的那把鹽,可有助消炎清熱,配合燉橙同吃可起「潤下」往下走的療效作用,令久咳肺熱經生理消化吸收,將熱帶落大腸排走,當肺氣理順,感冒後的喉嚨痕咳嗽便可消失。
不過加鹽燉橙要有效止咳,侯醫師強調有一個先決條件:感冒後的咳嗽,一定要自我覺察再沒怕冷怕熱、流鼻水、鼻塞等外感徵狀,才適合嘗試燉橙止咳,否則無效不特止,更可能加劇咳嗽問題。
燉橙方法:
洗淨橙,剖半,在兩半橙肉上各用刀鎅三數刀後,撒上一小撮的鹽,重新合起放飯碗,置煲內蓋上煲蓋隔水燉煮15至20分鐘即成,可用湯匙刮果肉果衣連汁同吃。
任何食療方法都會因人而異嘅!
我妹試過話得喎!可能唔同人有唔同體質啩!
你不能作準!
我試过,難食又無效!