寧不買貨 不賤價沽貨

　　大市跌１３００點左右，好多股都比人狂股，當然我見唔少人係度散貨，有好幾位我見佢地都賣貨，止蝕走人，不過我依然唔會走，對上一次８月大跌無沽過，今次都唔沽，工行我於６元買入，中行於總成本大約＄４．３，繼續不沽，因我不懂止蝕，而且沽左貨就要等，係大跌市乜都跌，等極都係跌，所以我都係做個笨人有貨坐定定，雖然今日大跌，不過心態同８月不同，８月較緊張，今次好輕鬆，可能對我手頭既股份有信心。

　　工行今日跌穿５元返落４．８，係好抵既價錢，我希望各朋友都不用賤價沽貨，因手頭上既貨根本不只值咁平，大家應對其有信心，尤其指數股，忘記一堆數字既煩惱，再看看，升上黎同跌落黎都係好簡單，手持優質股一定會有回報，唔使擔心，香港現時環境好好！！！　股市我相信會再熾熱，頂一陣就得架啦！