「律政強人」二

「無線」播緊嘅「律政強人」接近尾聲，果套「巨輪二」我估都命不久矣。

前者初播，有啲驚喜架：豈馬方中信、廖啟智都係好戲之人，點都好過睇蕭正楠同陳凱林吖！姪女間中夜返，都會追番套「律政強人」，對「巨輪」冇興趣，特別當果集主線係陳凱林---除左個樣好似印度人外(我地唔係岐視印度人，喬寶寶幾可愛吖)，聲作狀、表情又作狀...簡直睇到想死！再者，我地諗：如果唔係個編劇編成咁，以蕭正楠咁老土(劇中佢嘅衣著好明顯啦！去沙灘浪漫都著恤衫西褲)，點會鍾意個表現古靈精怪嘅女人？反過來，以陳衣著咁暴露嘅人，都會嫌蕭老土啦！點會鍾意對方？

陳自細都覺得個「哎呀老豆」有啲問題，仲成日著成咁響佢面前，俾佢強奸都唔抵可憐啦！

阮兆祥失憶嘅橋段夠唔知為咩嘢啦！我初時以為佢跟住消失，由阿Luck同英發展感情線添！

成套劇，淨係吳岱融同梁琤有演技架咋！劇本差，田蕊妮冇得發揮！

噓！明明講「律政強人」架馬，做咩嘢講「巨輪」？

呢套劇初播果陣，我響美國嘅大佬都覺得好睇，日日追！姪女在港與朋友相聚，大家都認為睇此劇可增長知識----如何處理辦公室政治。當時我經已不以為然：成套劇冇個好人！惟一可以稱為好人嘅咪係李佳芯囉！但係我祇能稱她為冇用/冇腦之人：佢連做律師都唔稱職！成日話要點點點....當然做律師冇可能單單官司都贏，但係以佢嘅思維，單單官司都會輸。

方中信算唔算好人？唔算囉！教唆當事人自殺、毀滅證據、揘造證據呢類行為絕不可為！如果係我，我寧願唔接單官司、或者我唔企圖尋找事實真相，一於相信我當事人係青白咁替佢脱罪。明知事實係我當事人謀殺，卻協助佢寃枉其他人，如此行為有失律師人格！不過，睇番依家啲「黃官」同「黃棍」嘅處事方式，經已偏離正軌，可能係我Out啦，依家啲律師係咁架，呢套係「寫實」劇嚟！慶幸我當年放棄左當律師，否則依家等「踎躉」！

初時，我都以為套劇會講李佳芯會變番叻左，變番強左架！依家套劇都就差不多完咯，應該唔會囉（不過，冇嘢係冇可能嘅。编劇鍾意作到天馬行空都行）；似乎成套劇所指嘅強人係方中信。

姪女以為方中信同李佳芯會發展感情缐，我認為冇可能：碩士同小學雞?溝通吾倒喎！但係今時今日嘅垃圾會都係咁啫，點發展呢？

我對李佳芯原本印象唔錯！不過，佢有份演出嘅「巨輪」同「律政強人」同時出街，連髮型都冇變，有時真係要定吓神，諗吓睇緊邊套劇？佢做緊邊個角色？

後者佢係一個唔及格嘅律師，佢嘅眼神成日都好迷惘，有啲神經質咁！連律師基本嘅自信都冇！睇完呢套劇，我原先對佢嘅好感都冇晒！