理工大學：應該炒左鄭松泰！

前日（垃圾會）大會點算人數期間，報稱為大學講師的鄭松泰，走到其他建制派議員座位，將插在檯上的國旗、區旗繼對倒轉嚟放。

我仲係小學生果陣，如果在上課期間，有學生離開自己座位，走到其他同學仔座位攪攪震，身為教師必定會加以阻止，要佢即時返回座位。如對方不聽，繼續如此行為，少則記過，大則受罰！呢位仁兄聲稱係大學講師，竟然做出一啲連小學生都唔應該犯嘅錯誤，請問：其身不正，焉能服人？佢何德何能存在於教育界？當日，「垃圾會」主席經已多次要求佢停止動作及返回座位，佢仍然繼續此劣行；被主席趕出會議廳亦不聽勸告，這是為人師表應有的表現嗎？

佢將國旗、區旗倒轉，呢啲侮辱國家、侮辱香港嘅行為，身為講師，佢所屬嘅大學應否容許佢留低誤人子弟？其身不正、其令不行！

人誰無過？理論上：過而能改、善莫大焉。當然都要睇吓所犯何事啦！難道殺人放火，道歉就了事咩！但係果位仁兄，不單對自己所犯錯誤全無悔意，還辨稱建制派議員在座位放上國旗、區旗而離席乃不負責任。請問：開緊會行開是不負責任行為，咁佢以後開「垃圾會」係咪會承諾全部出席、全程會議由頭坐到尾(人有三急都響會議廳攪掂)？咁佢所屬嘅大學是否認為此等是非不辨之「教棍」仍然應該留低？

呢輪聽得最多嘅係「道歉」兩字。須知道：人承認自己做錯事、而所犯嘅錯誤又唔係太大，道歉才有意思。當一些人(？)做錯事，但仍然堅持自己正確、仲一直在公開場合堅持己見；這些人(？)即使因為受壓(睇錢份上)而道歉，有用咩？可能呢啲就你人同「畜牲」嘅分別啦！

再者，佢地所犯嘅係嚴重錯誤，更加唔可以道歉就放過！「垃圾會」主席不應亦不能私下輕放----因為佢地所犯錯誤經已冇資格成為「議棍」-----佢地一直做緊同誓詞背道而馳嘅事！主席冇理由/冇權將立法之權交予佢地-----除非佢真係有痛腳俾人揸住。

講緊果兩位衰在辱國在前、呢位姓鄭嘅用行為辱國，其罪相同！所以...

唉！不過，可能「理工大學」全校都係咁嘅信念啦，唔係點解幾個講師(已知嘅，可能仲有好多唔知嘅)都係咁？都好嘅，大家咪當呢間係「垃圾大學」，揀學校果陣敬而遠之囉！

尋晚我地網友聚會(當時天文台掛左三號風球)，大家不約而同對今次「垃圾會」流會拍爛手掌，希望下次繼續流會。我：「最好下星期三掛十號風球啦！」

「哎呀大仔」：「咁我地北上個唱咪要取消？」

我：「十號風球「垃圾會」咪取消囉！等佢地繼續做「候任議員」都好。」

「哎呀大仔」：「咁又係！我都寧願取消個唱。」

「阿仔」成日講：唱歌能除百病！

我地寧願同「垃圾會」攬炒！