帝苑酒店雅苑座自助餐

繼八月尾我地網友聚會，尋晚又相聚食自助餐啦！上次係八大美人(哈哈！自己都忍唔住笑)，今次係七仙女！原本即使都係食自助餐，理論上好少翻炒；但係一來上次食過唔錯、二來得悉該酒店慶祝卅五周年七折祇做到十月尾，所以一致贊成去多次。

上次每位客人配給：一隻鮑魚、一隻焗松葉蟹蓋。今次應節：每位配給大閘蟹一隻(有四五兩重)、芝士焗龍蝦半邊。

我地幾個有人好喜歡食蟹(好似我咁)、有人好怕食蟹(好似「阿仔」咁)，所以結果我一個人食左三隻！我即時whatsapp俾返左美國嘅姪女話俾佢知：「姑姐食左三隻大閘蟹呀！食完,記得要食藥。」甚麼藥？降膽固醇藥囉！姪女回美前遺憾冇時間請我食大閘蟹，所以我第一時間告知，等佢唔駛心掛掛！

食三隻大閘蟹都飽左八成！

火箭菜，我至愛！啲蝦好鮮甜。

煎羊架：

柑橘檸檬水、橙汁任飲！我地上次試過，一致認同柑橘檸檬水好飲。

響螺燉雞湯，「正」！

紅毛丹：

HagenDaz雪糕，不容錯過！

呢啲甜品係網友嘅：

相對於上次，今次啲羊架差左(上次係即切，今次係煎定放響度)，剌身亦冇上次咁好食！

不過，食物選擇甚多，祇因我胃納細，祇淺嘗自己喜歡食嘅嘢---我唔會辛苦自己個肚嘅。

埋單時，酒店送左盒蝴蝶酥（$168）俾我地。七個人點分呀？我地敬老，益左阿仔。