竹絲雞海玉竹湯

因為禽流感問題，依家香港人要食新鮮雞，便要捨得付出金錢。

肥媽教人煮食，可能為左要「平DD」啦，一定用急凍雞。其實我都開始習慣左用冰鮮雞，但係如果煲湯，真係要不惜腰間錢架---煮餸可以在調味時下功夫，但係煲湯，新鮮雞同冰鮮雞煲出嚟嘅味道真係差天共地架！

既然用左百幾蚊買隻雞，都唔爭在買較玉竹貴嘅海玉竹啦！九蚊一兩，買左二兩，再加廿幾蚊買舊鮑魚骨....成二百蚊煲一煲湯！大出血。

材料：

竹絲雞一隻去皮開邊出水

海玉竹二兩浸一小時

鮑魚骨一件斬件飛水(可用豬骨/豬展代)

紅蘿蔔一條切件

陳皮

杞子2湯匙略洗

煲滾適量水，下所有材料，再滾十分鐘，收細火煲兩小時，下鹽調味。