協青慈善行籌款 支持青年將興趣變專業
2016/11/05 10:11:03 網誌分類: 生活
| 為籌募經費助青年人將興趣化成專業，協青社上周六喺沙田白石角首次舉行「協青慈善行2016」步行籌款活動，吸引近千人參與，最終籌得善款逾一百六十萬元。二○一六年里約奧運馬拉松香港隊代表姚潔貞都有出席撐場，擔任主禮嘉賓同主持起步禮?。 「協青慈善行2016」步行籌款吸引接近一千人參加，參加者當日由白石角海濱出發，終點為大埔元洲仔公園，步行路線全長五公里，最後成功籌得超過一百六十萬元。協青社會長區璟智話，今次慈善行所籌得嘅善款，係用嚟支持青年人喺唔同嘅青年文化領域發展，如街舞、滑板、泰拳同舞台音響等，達致專業水平，等佢哋可以建立自己嘅事業，貢獻社會。 另外，協青社近年積極成為「非一般的青年文化基地」建構一個鼓勵青年文化發展嘅平台，透過被認為是「次文化」嘅活動，善用青年人嘅才華，幫佢哋將興趣化為專業，用正面文化取代負面行為，創出不一樣嘅青年成就。Kelly真係覺得好有意義呀。 KellyChu |
 | |
| |
 | |
回應 (0)
我要發表