英、美、香港的共通點

2016/11/06 10:38:51 網誌分類: 政治
06 Nov

我一向親建制、但不表示我逄中、逄政府意見必認同。我是中國人,當然親中、親政府,但係有睇開我網誌嘅網友都知道,我經常鬧政府架!咁係因為愛之深,所以責之切,佢唔啱咪鬧囉。我唔會好似某些父母咁,明知仔女做錯,都仲要盲撐佢地----咁樣做祇會助長歪風!唔好以為第日老左要靠佢地養,所以唔敢責斥佢地;如果佢地識得孝順父母嘅,你打佢地、佢地都會孝順你;反之,你祇會縱容到佢地冇大冇細,不知天高地厚!有啲嘢錯左可以補救、但有啲錯係永不翻身架。

何解將英國、美國同香港串埋一齊?香港祇係中國嘅一部份---雖然有啲「小學雞猴」死都唔認,但係天生出嚟,佢地係黃皮膚嘅,即使佢唔認自己係中國人,佢都祇會係菲、馬、泰...甚至係印度人嚟,係咪攞嚟衰吖?

英國早前一人一票「公投」:英國應否「脫歐」?

個人當然認為「脫歐」唔好啦!不過,我冇票,我想點都冇用。曲友芳芳近呢十年咩嘢投資都唔做,獨孤一味炒英磅。「公投」差不多有結果前,我同芳芳講,以安全計,係咪應該沽左先(果陣英磅雖然跌左唔少,佢仲有少少賺)?芳芳則說:我唔相信結果會「脫歐」囉!當然,如果最終結果係脫唔成嘅,英磅一定急升,可惜最終結果係「脫歐」;呢鋪大細佢輸左,仲輸得好「金」!但正如我早前講過,呢次「脫歐」「公投」顯示左一人一票係唔公道嘅---最終贊成與反對票相差非常少!換言之,可能係幾個人嘅投票決定,令到成個結果逆轉。依家大部份英國人後悔莫及!

美國大選快有結果。我大佬移民美國幾十年,邊個做總統佢一家當然關心;但係觀乎最後兩名候選人--一男一女,姪女話齋:唔好之中揀個冇咁衰嘅,一於揀個女人!之前果位女士一直超前,似乎毫無疑問會當選。

但係選舉嘅嘢,冇人會事先知道結果!「郁人」夠一早認為果隻「家禽」咩X嘢都唔識,驚都未驚過啦!誰知人地就係識X嘢,贏佢少少入左「垃圾會」;以為從此可以脫離「禽畜業」,依家睇嚟....

講番美國大選,最新情況係:果位男士好有機會跑出喎!

原本我唔關心邊個贏,但係睇番電視訪果位男士嘅支持者所言,我真係有啲擔心!響美國,現時私人藏有槍械係違法嘅,支持者指如果果位男士當選,佢會取消呢條法例喎!吓,咁佢當選後,美國咪好似菲律賓咁,出街要著避彈衣?講到男方嘅性醜聞,他的女性支持者表示:有咩嘢出奇?我都嫁左七次啦.....咁樣一人一票結果...

日後,祇要候選人響參選果陣,政剛係:人人唔駛交稅、年年有錢派、人人可霸地.....咁就一定當選啦!反正佢地睇死政府唔會追究,真架:發假誓都唔追究咯!冇理由吓吓要求人大釋法架。

講番香港,一人一票咪選左幾個「港獨」兼「小學禽畜」囉!難道選佢地果啲都係支持「港獨」、個個唔想做中國人咩?祇不過政府施政太差,人心思變,以為揀啲年青人可以改變,但係佢地冇諗過:

一. 依家嘅八九十後,未捱過,不知世界艱難!

二. 呢廿年香港教育一團糟!教棍充斥(理工特別多),如果教育界請埋「少理老屍」呢啲人任教,點會教倒啲好人出嚟?

三. 年輕人祇是心口掛個勇字,就自以為天下無敵!呢啲禽畜祇能在馬戲班演出!

可能選舉條例要改:立法會參選要年過三十、特首要年過五十....哈哈!隻「癡蜂」仲唔死?

真係難怪我認識嘅朋友,一個二個贊成唔駛選特首(嘻嘻!反正我地都冇份投票),一於中央委派啦!大家都唔識,就唔駛互揭瘡疤啦。

現時特首跑馬仔疑似候選人包括:「胡」言亂語、「hea」中才子、「林」默是金、「梁」抱琵琶同「淑」中無人....睇吓最後邊隻跑出,又仲有邊幾隻未浦頭?

回應 (1)
我要發表
開心van仔
開心van仔 2016/11/06 12:15:53 回覆

聽講有位猛人未浦頭,起初以為是時光倒流既老頑童,而家睇黎應不是他。

user

最新回應

立 冬
立 冬 2018/06/13

新版都有好處的, 至少用手機來睇會較以前方便.  你休息夠了再回來啦!   {#iconb_21}

VanYYY
VanYYY 2018/05/24
@域 流亦詩...

雖然我封舉,有空仍會拜讀你的大作!

KING.
KING. 2018/05/19

都要改啦, 以前頭條blog都唔係mobile reponsive web. 而家改左,你有冇發覺冇以前咁棘.

域 流亦詩
域 流亦詩 2018/05/18

祝你身體健康、愉快。它朝有機會再在博海相見!