有內鬼！

笑看天下：賤成咁就係一個錯誤

兩隻小學雞日前衝擊立法會企圖宣誓，導致六名秘書處保安人員受傷，其中一人更須留院治療，兩隻小學雞為求宣誓保議席，真係撕破臉皮大耍無賴，立法會要恢復秩序，恐怕要將兩隻小學雞送去火星，咁佢哋就唔怕做過街老鼠，被大媽大鬧「漢奸」、「走狗」等難聽嘅說話，而且嗰度肯定大把荒野地，不愁無地方「扑嘢」，說不定可以真正闖出一片天！(哈哈！當年「佔中」，網民咁喜歡網上欺凌；何解冇網民起下對禽畜嘅底？我真係好想睇吓佢地父母係邊位，咁有家教！)

有些事情做錯咗，好似生米煮成熟飯，就救唔番；再做多一次錯，就會錯得更離譜，更令人神憎鬼厭，兩隻小學雞宣獨辱華，死不悔改又變本加厲去勾結台獨，其反中亂港嘅基因深種，再宣誓都係心不由衷，既無視《基本法》，又不把一國放眼內，有甚麼比自己退下議席更誠實反映內心嘅糾結(人地不單祇唔走，仲要趁未被禠奪議席前攞盡津貼；呢啲咪係厚顏無恥囉！「垃圾會」第日有權叫佢地嘔番出嚟，但祇要佢地申請破產，政府就奈佢地唔何啦)？老朽只能說，有些事情堅持不一定成功，之不過，放棄一定很快樂。這話看似簡單，不過以你們小學雞嘅識見，恐怕要在人生道路上，再摔倒幾次才會明白。(依家嘅教育，就祇可以教倒咁嘅質素---因教佢果啲自己都唔掂！)

上天其實對你哋不薄，憑你哋咁嘅識見，居然會被推上立法會尊貴議員寶座，可惜你哋一朝得志，語無倫次，公然辱華。錯了，依然砌詞狡辯，咁又點會不一錯再錯至無可挽救啊？清末名臣曾國藩說：居心不循天理，則畏天怒；做事不顧人情，則畏人言。家陣你兩隻小學雞，盲衝亂撞，搞到天怒人怨，仍不知悔改，要小事化大事；正應了曾國藩所指出的「凡人方寸有所忌憚，則過必不大，鬼神必從而原之。」懂得畏懼，就不會犯大過錯，心懷謙卑，「過則勿憚改」，憚指害怕，意思是說不怕改過就不算過失。

可是，兩隻小學雞把星星之火玩成沖天烈燄，身邊又只有一大堆不知所謂嘅非建制派政棍(唔知佢地會唔會諗吓：果班非建制其實一早想佢地死呢？所以響度推波助瀾-----人地捱左幾耐先至坐倒個位，月逗十幾萬、收黑金....你呢兩個「塞逗窿」，唔玩殘你地至奇)，一味護短加速其將錯就錯，咁就大鑊！兩隻小學雞與其埋怨主席不知所謂，梁振英為求連任不惜打壓，倒不如諗一諗：自己來到人間，好好的中國人不做而自貶支那人，賤成咁，本來就是一個錯誤！(「毛婆」嫁鬼，根本唔係中國人！佢地好人唔學，學人做鬼！)

施友朋