為香港警方打氣！

昨夜西區暴亂，相信警方一早預左；今日人大釋法有結果後，相信果班「獨物」在未來兩星期內都會作垂死掙扎；先為各警務人員打氣，希望你地為左香港市民全力打拚，切不可手軟！辛苦大家了。

【Now新聞台】警方嚴厲譴責示威者，在干諾道西及德輔道西，暴力衝擊警方防線，至今拘捕兩人(咁少)。警方呼籲示威者克制，勿以竹枝或磚頭作武器，警方會因應情況採取行動。

有片為證，有人渣掘磚襲擊警務人員，並有一名女警受傷。我相信大多數市民均認同磚頭可成為殺人凶器，個人認為明知對方擲磚頭，應該可以開槍射殺，以防止罪案。如果警方高層仍然認為用槍於武力上較用磚頭為高，建議警方亦備有磚頭、竹枝....對方用何物、則用何物對付之！咁先至係勢力均等，冇理由要我地尊敬嘅警務人員，處於捱打之勢架！遇著「禎子」之流，咪專扯佢頭髮囉！

我相信對方有幾多斤兩，大家有目共睹！來來去去咪又係果幾個撁頭、加埋啲亡命臨記！如果「佔中」後，「黃官」冇縱容班友，上演「捉放曹」，尋晚嘅暴亂絕對可以避免！

果對「禽畜」眼見十幾萬一個月凍過水，自然為惡不甘後人！但係既要做、又要驚，咁咪冇「吉士」囉！

以為咁樣就冇人認得佢？佢個衰樣，就算佢包埋對「雀仔眼」都認得啦！

佢有病就係人都知，有病咪帶口罩囉！因咩鬼要矇面呢？矇面祇係明示人知：你自知做緊啲犯法嘅事，驚俾人認出！但係冇用吖，祇會欲蓋彌彰啫。

以佢嚟講，罪犯三條(可能係天條)就走唔甩架啦：

一. 參選時簽左「確認書」，之後行為違反「確認書」內容，即係「發假誓」；

二. 宣誓就職時，言詞侮辱國家民族，此乃「辱國罪」；

三. 帶頭引發西區暴亂(有片、有相為證架)，公然宣傳「港獨」，罪加一等！

早兩日律師朋友請食飯，據佢講，淨係罪犯第一條都要坐監！但係香港法律好寬鬆，通常祇講最高刑罰----所以「黃官」咪有權選擇最底消費：社會服務令囉！

不過，今次係「辱國」、播「獨」喎！冇理由唔駛坐監掛？

另外果隻「禎子」，睇吓佢果個潑婦罵街樣吖：

游蕙禎不斷指罵警方，又稱：「阻住市民食飯都叫保護市民安全？」哈哈！尋晚攪到住西區嘅市民冇地鐵出街、附近商鋪要落閘放狗、交通停頓....咁算唔算係阻住市民食飯？頂多係阻住你兩條友發達啫！

今日食早餐，餐廳內電視播緊尋晚暴亂新聞。我聽倒隔離檯兩位年青人講：早知係咁，我地當初就唔好登記做選民啦！我啲同學依家好後悔呀。

雖然我唔可以確定佢地所指為何事、亦可能理解錯誤，但係我認為：登記做選民冇錯，錯係錯在你選左邊個？今次錯左都唔緊要，知過能改、咪當吸取經驗囉！最弊係好似果對「禽畜」咁，錯左都死不認錯，仲要越錯越嚴重！

但係又不禁慨嘆：依家啲年輕人點諗嘢架？因噎廢食？