為有需要者送暖 明愛賣物會玩住做善事
2016/11/10 08:41:03 網誌分類: 生活
| 假日有咩好節目？一年一度嘅明愛慈善賣物會喺今個月六日開始咗啦，一連三個星期日喺港、九、新界六個地區舉行，集購物、攤位遊戲於一身，部份更有美味小食檔，係老少咸宜嘅假日親子樂活動，去玩又做善事，Kelly覺得好有意義，支持！支持！支持！ 由多間學校、堂區和團體參與嘅年度賣物會，係陪伴唔少香港人成長嘅活動，除咗有富趣味和教育意義嘅攤位遊戲，仲有多款禮品可供選購，小朋友玩得高興，家長就可以放心盡情購物啦！會場會有衣物、飾物、玩具和家庭用品等物品售賣作慈善用途，為社會上有需要嘅人士送上溫暖。 首日賣物會已於今個周日展開，餘下兩日，包括下周日（十三日）會於九龍界限街花墟公園及長洲北帝廟遊樂場，以及於二十日在荃灣沙咀道遊樂場及沙田源禾路源禾遊樂場舉行，其中九龍、荃灣及沙田區更提供美味小食，並設有兒童樂園，各區賣物會每人入場費為港幣五元，一點二米以下之兒童免費入場，長洲則免費入場。 KellyChu |
 | |
 | |
|
回應 (0)
我要發表