項明生邀fans齊歎自助餐睇首播 百億「雲頂夢號」製作過程曝光
2016/11/12 08:41:06 網誌分類: 生活
| 平日工作忙碌，如果有得坐郵輪歎番幾日，確係人生一大樂事。耗資百億打造，帶嚟貴賓級享受嘅「雲頂夢號」豪華郵輪，今晨正式進駐啟德郵輪碼頭，將帶領旅客巡遊維港，遊覽越南，郵輪公司之前仲請咗旅遊達人項明生同才子陶傑遊覽製作郵輪嘅德國船廠，佢哋嘅「歎世界」之旅今晚仲會喺無綫電視J5首度播出𠻹！ 耗資百億打造的「雲頂夢號」為華人而設，將帶領旅客前往越南，亦可選擇於維港度過周末，欣賞香港醉人夜境。郵輪除提供豪華娛樂設施之外，更提供貼身歐式管家服務，有「小鮮肉」為你打點一切，簡直係貴賓級享受，Kelly都要快啲約埋班姊妹去歎番幾日先。 旅遊達人項明生同才子陶傑早前就受邀去德國帕彭堡參觀船廠，親睹「雲頂夢號」的製作過程，拍攝旅遊節目《日耳曼的天空》。項明生形容郵輪製作過程情境令佢大開眼界：「見住雲頂夢號逐步逐步成形，就好似小朋友砌積木一樣，覺得好神奇。」佢哋個節目會喺今晚八點，一連兩個星期六於無綫電視J5播出，將介紹德國同多瑙河景色，睇嚟要早啲番屋企坐定定欣賞至得啦！ 為咗慶祝郵輪抵港，項明生仲喺facebook邀請咗八十位「粉絲」，今晚一齊邊睇節目，邊食自助餐，仲可以親睹「雲頂夢號」真面目。活動內容咁正，唔怪得反應熱烈，一早爆滿啦！ KellyChu |
 | |
| |
 | |
|
回應 (0)
我要發表