國父孫中山紀念展回顧壯闊一生

2016/11/14 09:41:11 網誌分類: 生活

14 Nov

        為紀念國父孫中山誕辰一百五十周年，香港友好協進會、香港中華總商會、香港各界文化促進會，以及中國和平統一促進會聯合舉辦「香港各界紀念孫中山誕辰一百五十周年大型展覽」，由本月十一起至二十二日喺香港中央圖書館展覽館，展出逾百件珍品，等市民藉此加深對孫中山一生貢獻嘅認識，同了解中國近代史。

        據小妹所知，呢個大型展覽會展出超過四百幅精選珍貴歷史圖片，同埋逾一百五十件珍貴文物，而有唔少展品仲係首次對外公開，大家如果有興趣就千萬唔好錯過啦！

        此外，大會上周三喺中央圖書館舉行開幕酒會，全國政協副主席董建華、中聯辦主任張曉明同特首梁振英等大人物都有出席主禮。梁振英致辭時話，呢個展覽可以畀市民重溫孫中山波瀾壯闊嘅一生，年輕人亦可從中認識中國近代史，學習孫中山為國為民、公爾忘私嘅偉大精神咁話。

        KellyChu