「藝趣巡遊」走進童話國度四米高莎翁木偶勁吸睛

2016/11/14 09:41:12 網誌分類: 生活

14 Nov

        每年嘅「渣打藝趣嘉年華2016」，係香港其中一項藝術盛事，昨日喺銅鑼灣舉辦嘅「壓軸巡遊」，更加不容錯過！為紀念英國大文豪莎士比亞不朽傳奇四百年，今年巡遊以其四米高嘅大型莎翁木偶帶頭，有逾六百名來自不同學校同社區嘅青年，仲有來自五湖四海嘅藝術家，一齊着住嘉年華服飾喺街頭遊走，為鬧市多添一份藝術氣息。

        藝趣銅鑼灣「壓軸巡遊」昨天下午喺銅鑼灣維多利亞公園至東角道舉行，當中有六百名藝術家同學生化身多個莎翁筆下嘅經典角色參加巡遊，令旁觀嘅小妹仿佛置身喺《仲夏夜之夢》嘅世界。

        另外，今次巡遊共有十三座巨型木偶、七十五隻小型撐桿偶，仲有過千件嘉年華服飾同彩旗，令莎翁筆下嘅騎士及貴族、工匠與驢人、奇花異草與精靈仙子，有如活於現實世界之中，Kelly置身其中，好似去到童話國度，真係玩到好開心。

        KellyChu