麵包機焗製豬肉鬆 電飯煲大王有好「煮」意
2016/11/14 09:41:13 網誌分類: 生活
| 以電飯煲起家嘅信興集團，近年推出萬元電飯煲同麵包機等高檔家電，同時又鑽研新食譜，例如用麵包機製作豬肉鬆！Kelly上周六去沙田馬場參與「樂聲盃2016」，席間信興廚藝中心導師梁鈿示範用焗麵包機製作豬肉鬆，平時煲湯剩低嘅豬肉，一啲都唔浪費，成品仲比得上名牌豬肉鬆，真係方便得嚟又「惜食」！ 「樂聲盃2016」上周末喺沙田馬場舉行，當日除咗有多場精采嘅賽馬外，梁鈿向嘉賓示範如何用麵包機製作豬肉鬆，過程先將煲湯豬肉冷藏數小時後，再切絲加入調味，最後放進麵包機，以「果醬模式」烤九十分鐘，就可製成無添加嘅豬肉鬆啦。 Kelly試味，豬肉鬆灑上芝麻後酥脆有肉味，除咗原味豬肉鬆外，仲有「蒙氏咖喱」味豬肉鬆，少少辣，好惹味。聽講信興集團主席兼行政總裁蒙德揚素來喜歡食咖喱牛腩，「蒙氏咖喱」係按其父親、信興集團創辦人蒙民偉嘅口味來調配，所以現場就多做一款咖喱味豬肉鬆畀大家品嚐。蒙德揚話，自家製無添加嘅豬肉鬆，可以自己調味，感覺健康而且都係一種新意咁話。 KellyChu |
 | |
| |
 | |
|
回應 (0)
我要發表