灣仔碼頭變身新景點 香港築地水產市場開幕啦！
2016/11/15 08:41:03 網誌分類: 生活
| 日本築地魚市場聞名世界，Kelly知道香港唔少人專程到訪朝聖，不過築地好快搬遷，大家唔使搭飛機去啦，喺本地都可以體驗築地嘅風味，因為位於灣仔碼頭嘅香港築地．山貴水產市場昨天開幕，小妹打聽到港版築地係仿照東京模式建設，提供正宗嘅日本海產美食，小妹希望港版築地能夠青出於藍，成為本港嘅新旅遊景點！ 昨日築地．山貴水產市場舉行開幕禮，Kelly見到好多名人畀面撐場，包括近期好Hit嘅旅遊節目主持人杜如風同埋影視界殿堂人物薛家燕咁，佢哋仲有份幫手為達摩不倒翁「點睛」，另外同場仲請咗師傅即場表演「劏」吞拿魚，以及有表演者敲打太鼓助興，好鬼過癮！ 香港築地．山貴水產市場董事湯銘康話，市場佔地一萬多呎，食客唔單只可以品嚐由築地直送嘅新鮮海產同來自世界各地嘅時令產物，同時仲可以飽覽維港景色，而且港版築地會延續東京築地魚市場的精采元素，包括吞拿魚切割示範表演等，務求將日本築地嘅美食神髓，全面呈現於香港顧客眼前咁話喎。 KellyChu |
 | |
| |
 | |
|
回應 (0)
我要發表