已死的掙扎!

2016/11/16 10:30:57 網誌分類: 時事
16 Nov

人地話人響臨死之前,會作垂死掙扎;呢樣嘢用之於「禽畜」,一樣應驗架。睇吓果對「禽畜」,在等候法庭判決之前,一直死不悔改嘅咀臉,真係好似以前「清潔香港運動」嘅口號咁:人見人憎!

尋日法庭終於有左裁決。唔駛我講大家都知:佢地冇得留低!即係判左死刑。

「逃緊生」即時彈出嚟,話既然法官判詞指人大無論有冇釋法,結果一樣!咁即係人大釋法係多餘架啦!

唔好意思,我覺得多餘果個係佢囉!「釋法」係清楚解釋「基本法」條文,咁解釋清楚、總好過含糊吖;反而依家香港啲法官真係當自己至高無尚,鍾意點判就點判---假若今次遇著個「黃官」,咪好似「漢奸」咁講:一句「佢地年幼無知」就混淆過去囉!

哼!佢地無知就真嘅,年幼就假嘅----無知係因為佢地仲以為香港係英國殖民地!難怪佢地會話:Hong Kong is Not China咯,呢啲咪係有爺生、冇乸教囉!

去片:

http://bit.ly/2fcGxZb 

佢哋話已去信英國政府投訴和求助喎,中國人真係「好驚」呀?佢哋以為中國仲係鴉片戰爭時嘅滿清呀?!真係替嗰幾萬投票俾佢哋嘅選民難堪,好心佢哋父母教子教女無方就早啲帶佢哋返屋企,唔好再出嚟獻世出醜啦!

年幼?成個「垃圾房」都係酒樽,仲咁鍾意X野,咁仲年幼?祇能夠話佢地年紀細,但係思想成熟過好多中年人!

早兩日「獨婦巫婆」脫離左個「公文袋」,我估「公文袋」都飲得杯落。唔係咩?「公文袋」一向認為佢地係「藍血」,是高貴的象徵;偏偏呢排「獨婦」嘅言行仲衰過啲街邊潑婦,不單破壞「公文袋」高貴形象,更可能成為被禠奪議席嘅一份子,「公文袋」都而得快啲同佢割蓆啦!

市民大眾一聽倒尋日果個天大喜訊,梗係第一時間要求立法會追番果兩條友嘅數(其實由十月十二日佢地宣誓玩嘢、未正式就職就應該停止支付任何費用俾佢地),但係,正所謂財到光棍手,想攞番就難啦!正因如此,佢地一定會提出上訴以便拖延時間(依家唔止立法會果份,根據法庭判決,佢地輸左官司就負責4/5嘅訴訟費).....最後...如果上訴失敗....咪宣佈破產囉!佢地一啲損失都冇。但係佢地上訴期間,補選便不能進行.....佢地打算同政府攬住一齊死!

講開又講:佢地打算眾籌喎!咁捐款果啲人算唔算辱國份子呢?

回應 (2)
我要發表
2016/11/16 14:50:36 回覆

阻止補選對建制有利!泛民少了兩席呀!揾英國來干預香港事,它們病到心眼俱盲!

wongi
wongi 2016/11/16 13:04:02 回覆

送上驅妖星星。

兩個小妖歸天,真好。

user