「廣州無限極廣場」奠基 李錦記心境年輕「永遠創業」
2016/11/18 08:41:03 網誌分類: 生活
| 李錦記係香港百年老店，由賣蠔油起家，醬料生意愈做愈大，新一代由九十年代起進軍健康產品市場，又在內地發展物業項目，Kelly去廣州參觀李錦記一個生產基地，又見證李錦記「廣州無限極廣場」的奠基，足見百年老店本着「永遠創業」嘅精神，活力無窮。 講起李錦記，港人即時諗起蠔油同蒸魚豉油。唔講唔知，原來李錦記九二年起涉足天然健康產品市場，推出提升免疫力嘅口服液，時至今日共開發超過一百二十款健康用品，包括膠囊、藥片、護膚品等等，好多產品香港都有得買嫁。 呢間天然健康產品公司叫「無限極」，喺內地有超過六千四百間專賣店，喺廣東新會及遼寧營口兩大生產基地，認真架勢！小妹參觀過新會生產基地，發現生產過程一絲不苟，由精選中草藥原材料、提煉濃縮獲得精華，到出廠前經專人試味，層層工序周密細致，難怪獲消費者垂青。 李錦記家族一向強調「沒有守業，只有永遠創業」，近年先後喺廣州、香港上環以及上海購入物業，今年搵埋國際知名嘅扎哈‧哈迪德建築事務所，攜手喺廣州白雲區打造「廣州無限極廣場」，工程日前奠基，預計二○二○年竣工。 講開白雲區，與李錦記家族甚有淵源，第四代傳人之一嘅李惠森日前喺奠基儀式話，喺九十年代中家族將一個無名山墳安放到新會，三年前證實山墳主人竟然係李錦記創辦人李錦裳嘅祖父李鵬立，令家族中人明白到做好事總有回報，白雲區正正係「無限極」九二年創業之地，今次事隔二十四年重臨舊地，佢好希望李錦記喺內地嘅投資，可以推動地區經濟發展咁話。 KellyChu |
 | |
| |
 | |
|
回應 (0)
我要發表