跨越世紀講「我願意」 19對「銀髮新人」補辦甜蜜婚禮

2016/11/21 10:11:10 網誌分類: 生活

21 Nov

        十九對「銀髮新人」等咗幾十年，昨天先有機會同牽手走過一輩子嘅伴侶講一句「我願意」，原來佢哋幾十年前沒資源辦婚禮，昨天終於喺「無國界義工」幫手下，一齊參加「跨世紀長者婚禮」，當中結婚六十年嘅黎伯伯同朱婆婆，互相向對方講一聲「我願意」，真係好Sweet。

        主辦機構「無國界義工」每年都為長者補辦婚禮，今年有十九對「銀髮新人」參與，佢哋上月三十日喺高街古蹟長廊、添馬公園等美景襯托下拍攝婚紗照，昨日趁「長者日」一起參加「跨世紀長者婚禮」，乘電車遊車河，讓市民一同分享佢哋長相廝守嘅喜悅。

        呢十九對「銀髮新人」，全部年過六十，當中婚齡長達六十年嘅黎敬庭及朱雪瑩，今年八十多歲，兩人都喺華僑家庭中長大，來自寮國嘅黎伯伯跟來自越南嘅朱婆婆，原本生活喺兩個不同嘅環境，緣份始於黎伯伯年少時赴越南讀書，認識咗學妹朱婆婆，後來二人不約而來港升學，礙於年紀尚小，一直未有發展，直至黎伯伯前往北京升學，二人先開始書信來往，完成中學課程後，朱婆婆毅然放低香港一切，隻身前往北京搵黎伯伯，走在一起，但早年生活匱乏，無行婚禮，等咗六十年先補番，兩人昨天都笑得好開心，Kelly都感受到佢哋內心嘅喜悅。

        KellyChu