Kelly Chu
Kelly Chu
Kelly Chu

帶領東方勇奪港超聯冠軍 牛丸「彈」入BBC年度百大女性

2016/11/22 08:41:03 網誌分類: 生活
22 Nov
        風之后李麗珊話過,香港運動員唔係垃圾,Kelly舉腳支持,以香港嘅局限,運動員取得良好成績,真係一啲唔容易㗎,除了運動員,幕後嘅人員,也一樣付出不少,所以當Kelly知道港超聯球隊東方龍獅主帥陳婉婷(牛丸,見圖)獲選英國廣播公司(BBC)年度百大女性,真係為佢感到驕傲!

        BBC選牛丸作為年度百大女性,真係有啲令人意外,但小妹想深一層,又好合理喎,因為BBC話,牛丸係全球第一位女教頭,成功帶領男子隊贏得地方嘅頂級聯賽冠軍,女教頭領軍,已經與別不同,仲要成班男球員聽話爭取佳績,真係盡顯女性嘅領導才能,威威威!

        牛丸上季帶領東方勇奪港超聯冠軍,創下健力士世界紀錄,早前又獲頒銅紫荊星章,受到國際媒體注視,今次BBC將佢列為百大女性,可謂錦上添花。而牛丸好大可能再下一城,事關佢入選亞洲足協年度頒獎禮最佳女教練嘅三強,今年內有望再奪殊榮!

        KellyChu

        

        
■牛丸上季帶領東方勇奪港超聯冠軍,創下健力士世界紀錄。
■牛丸上季帶領東方勇奪港超聯冠軍,創下健力士世界紀錄。
回應 (0)
我要發表
user