勉勵學生練好基本功 曹星如「足動潛能」做導師
2016/11/25 08:41:03 網誌分類: 生活
足球刺激又講求策略,Kelly勁鍾意睇!香港賽馬會昨日啟動新一屆「足動潛能」青少年足球發展計劃,好有創意咁邀請到「神奇小子」、冠軍拳手曹星如擔任發展計劃嘅客席導師,佢喺昨日開幕禮上勉勵學生要裝備自己,唔好好似自己當年「爆胎」般洩氣,認真風趣。 馬會昨日正式啟動二○一六/一七年度「『足』動潛能青少年足球發展計劃」,計劃將與英格蘭勁旅曼聯再度合作,以及喺香港足球總會嘅支持下,推出各項青少年足球發展項目,啟迪佢哋係在體能、心智和社交上的發展。更提供訓練,引領佢哋有能力走上職業道路。 馬會請咗「神奇小子」曹星如擔任發展計劃其中一名客席導師,曹星如自爆舊時被稱「爆胎如」、只靠天份冇練好基本功,勉勵參與計劃學生要積極裝備自己,唔好「得個樣」咁話。 曹星如仲同小妹分享,話自己有今天全靠苦練得來,起初冇足夠體能應付所有回合賽事,但不斷訓練下終於漸漸打出佳績,只要堅持就會有好成績。佢仲靜靜雞同小妹透露話出年年頭就會去菲律賓閉關準備三月嘅賽事!男神妙語連珠,小妹真係獲益良多! KellyChu |
| |
|
回應 (0)
我要發表