記得抽獎贏美鑽珠寶購物節公眾都有得睇

2016/11/25 08:41:04 網誌分類: 生活

25 Nov

        珠寶業界年度盛事「香港國際珠寶廠商展覽會暨香港珠寶購物節2016」，昨日喺灣仔會議展覽中心開鑼啦！Kelly約定知己去，呢個珠寶展係全港唯一向公眾開放，歡迎市民零售購物嘅珠寶展，更有機會入手平日較罕見嘅珠寶首飾，啱晒一眾愛靚女士，展覧有抽獎活動，仲勁送出十四粒零點三卡美鑽?！

        灣仔展會由昨日起至周日（二十七日）舉行呢個盛大的珠寶購物節，昨天開幕首兩小時內已有逾二千人次入場，場面好熱鬧。主辦單位香港珠寶製造業廠商會主席劉家健喺開幕禮上話，經過多年爭取，為了讓更多有意參展嘅公司有機會參加，下年展會場地擴大到喺Hall3F及G舉行，希望擴充後更多參展商可以參加之餘，亦可招攬更多買家入場參觀咁話喎。

        今年展會將舉辦多年嘅「美鑽大抽獎」活動升級成為「點點鐘美鑽大抽獎」，抽獎券於展期內每日派發，明日起一連兩日活動舉行期間，每小時都會有大抽獎，中獎機會激增，總共送出十四粒零點三卡美鑽同一粒有GIA證書嘅一卡美鑽。另外，只要喺「一LIKE即賞」遊戲攤位拍照並上載到社交媒體，即可參加幸運大抽獎，有機會贏取價值六千八百八十八元嘅精美美鑽吊墜。

        KellyChu