特色景點影相呃「Like 」熊本熊陪你過聖誕

2016/11/28 10:11:06 網誌分類: 生活

28 Nov

        熊本熊嘅粉絲，請注意啦！一個商場呢個聖誕請到日本熊本縣營業部長兼幸福部長Kumamon來港過聖誕，由今日起至明年一月初打造本港首個熊本縣Kumamon聖誕主題樂園，喺商場加入多個熊本縣特色景點之餘，仲設有Kumamon精品，粉絲唔好錯過啊！

        鑽石山荷里活廣場設辦嘅熊本縣Kumamon「熊」式聖誕之旅，由今日起至明年一月二日舉行，為營造氣氛，商場將熊本縣嘅多個特色景點，如立體展示熊本縣Kumamon當地物產、人氣黑川溫泉、水前寺公園、熊本縣市區列車同球磨川木橋等，絕對不失為聖誕影相呃「Like」嘅好選擇。

        廣場除咗會有熊本熊嘅聖誕佈置外，仲會設有Kumamon精品店，以舉行聖誕義賣、親筆簽名競投活動、別注版精品消費換領活動同聖誕版電子體感遊戲，而義賣得到嘅收益喺扣除成本開支後，就會撥捐日本熊本縣政府支持振興發展用途。

        KellyChu